Push Admin

Pilipinas patuloy ang pagtala ng mababang COVID-19 positivity rate

Article (news)

ABS-CBN News

<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1834281" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Patuloy ang pagbaba ng COVID-19 positivity rate ng Pilipinas, base sa pinakahuling datos mula sa Department of Health (DOH).</p><p>Nakapagtala ng 3.5 porsiyentong positivity rate ang bansa noong Nobyembre 15, ayon sa DOH.</p><p>Ang positivity rate ang bahagdan ng mga nagpopositibo mula sa kabuuang bilang ng mga nagpa-test na naitala sa isang lugar. Sinusukat nito ang antas ng hawahan ng COVID-19.</p><p>Base sa World Health Organization guidelines, kung mapapanatili ng isang bansa na mababa sa 5 porsiyento ang positivity rate nito sa loob ng 2 linggo, masasabing &quot;under control&quot; na ang pandemya sa lugar.</p><ul class="op-related-articles">	<li><a href="https://news.abs-cbn.com/news/11/11/21/ph-nakapagtala-ng-43-pct-covid-19-positivity-rate">DOH: 4.3 percent COVID-19 positivity rate naitala ng Pilipinas</a></li></ul><p>Ayon sa ABS-CBN Data Analytics Team, ang 3.5 porsiyento ang ikatlong pinakamababang positivity rate na naitala mula noong magsimulang maglabas ng datos sa testing ang DOH noong Abril ng nakaraang taon.</p><p>Nananatili ring nasa safe zone ang intensive care unit (ICU) utilization rate ng Pilipinas, na nasa 33 porsiyento lang.</p><div><strong>CATANDUANES</strong></div><p>Pero kapansin-pansing ang Catanduanes ang tanging probinsiya sa bansa na nasa Alert Level 4, ang pangalawang pinakamataas sa 5-step alert level system na nagtatakda ng COVID-19 restrictions.</p><p>Dating nasa ilalim ng modified enhanced community quarantine ang lalawigan.</p><p>Pero ayon kay Catanduanes Governor Joseph Cua, ang mataas na ICU utilization rate ng probinsiya ang dahilan kaya ito nasa ilalim ng Alert Level 4.</p><p>&quot;Limited ang referral hospital na nasa Catanduanes, isang provincial hospital at 2 maliit na private. Sa ngayon, we have 82 percent utilization ng hospital,&quot; ani Cua.</p><p>Mababa rin ang COVID-19 vaccination rate ng probinsiya. </p><p>Sa ngayon, nasa higit 65,000 o 24 porsiyento ng populasyon ng Catanduanes ang fully vaccinated.</p><p>Ayon kay Cua, humingi na rin sila ng dagdag na bakuna.</p><div><strong>NATIONAL CAPITAL REGION</strong></div><p>Sa COVID-19 data ng DOH sa National Capital Region, nangunguna ang Quezon City na may 90 bagong kaso. Sinundan ito ng Maynila na may 62 bagong kaso.</p><p>Pero pinabulaaanan ito ni Dr. Rolly Cruz, head ng epidemiology unit ng Quezon City, at sinabing kasama sa 90 ang mga backlog case.</p><p>Kumpiyansa naman ang OCTA Research sa datos na inilalabas ng DOH.</p><p>Ipinaalala rin ng OCTA na kailangan pa ring panatilihin ang minimum health standards para maiwasang magaya ang bansa sa nakikitang surge ng kaso sa ilang bansa sa Europe.</p><p>Ngayong Huwebes, nakapagtala ang Pilipinas ng 1,297 bagong kaso ng COVID-19 para sa kabuuang 2,821,753, kung saan 23,158 ang active cases.</p><div><strong>— Ulat ni Wena Cos, ABS-CBN News</strong></div>

Patuloy ang pagbaba ng COVID-19 positivity rate ng Pilipinas, base sa pinakahuling datos mula sa Department of Health.