Push Admin

BALIKAN: Kasaysayan ng ugnayan ng Pilipinas, China

Article (news)

ABS-CBN News

<figure class="op-interactive"><div id="IVS_ABS_Body_Video_1_Container"> <ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1398116" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Mas mahalaga pa sa mga isyung naghahati sa Pilipinas at China ang mga pangyayari sa kasaysayan na nagpakita ng pagtutulungan sa pagitan ng dalawang bansa.</p><p>Ito ang pahayag ni Teresita Ang-See, founding president ng Filipino-Chinese organization na Kaisa Para sa Kaunlaran, sa bisperas ng pagbisita ni Chinese President Xi Jinping sa Pilipinas.</p><p>&quot;Ang daming events talaga na nagtulungan iyong dalawang bansa. &#x27;Yan, mas mahalaga &#x27;yan kaysa doon sa issues na nagdi-divide sa atin,&quot; sabi ni Ang-See sa panayam ng ABS-CBN News.</p><p>Ayon pa kay Ang-See, pagkakataon ang pagbisita ni Xi para mapag-usapan ang mga isyung maaaring pagtulungan ng dalawang bansa gaya ng pagsugpo sa ilegal na droga, at problema sa mga ilegal na imigrant at sugal.</p><p>Isang araw bago ang pagbisita, nangako rin si Xi ng kapayapaan at pakikipagtulungan sa Pilipinas habang inaayos ang mga gusot.</p><ul class="op-related-articles">	<li><a href="https://news.abs-cbn.com/news/11/19/18/rainbow-after-the-rain-chinas-xi-jinping-excited-to-visit-manila">&#x27;Rainbow after the rain&#x27;: China&#x27;s Xi Jinping excited to visit Manila</a></li></ul><div><strong>KASAYSAYAN NG UGNAYAN</strong></div><p>Ang grupong Kaisa Para sa Kaunlaran ang nangangasiwa sa Bahay Tsinoy, isang museo sa Intramuros, Maynila kung saan tampok ang higit 1,000 taong ugnayan ng Pilipinas at China.</p><p>Kabilang rito ang ugnayan ng bansa sa barter trade o pangangalakal nang walang ginagamit na salapi, pagbisita ng sultan ng Sulu sa China noong 1417, at papel ng mga Chinese mestizo sa rebolusyon laban sa mga nanakop sa bansa.</p><p>Taong 1975 naman nang pormal na maitatag ang relasyon ng Pilipinas at China.</p><p>Sinundan ito ng mga pagbisita ng mga lider ng dalawang bansa sa Maynila at Beijing, na naging daan sa paglago ng kalakalan at turismo.</p><p>Subalit nanatiling tinik sa relasyon ang agawan ng teritoryo sa South China Sea o West Philippine Sea.</p><p>Si Chinese Leader Deng Xiaoping ang unang nagpanukala na isantabi muna ang away at magtulungan tungo sa joint development para mapakinabangan ng lahat ang yamang dagat.</p><p>Panahon ni dating Pangulong Gloria Macapagal-Arroyo nang magkasundo ang Pilipinas, China, at Vietnam para sa isang joint marine seismic undertaking bago nakuwestiyon ang legalidad nito sa Korte Suprema.</p><p>Matapos ang serye ng insidente sa dagat at harassment sa mga mangingisdang Pinoy sa West Philippine Sea, nagpasya ang adminitrasyon ni dating Pangulong Benigno &quot;Noynoy&quot; Aquino III na idemanda ang China sa arbitration court, na ibinasura ang nine-dash line na katuwiran ng China.</p><p>Bumuti ang relasyon ng dalawang bansa sa ilalim ni Pangulong Rodrigo Duterte na nagpasyang igigiit ang naipanalong kaso sa tamang panahon.</p><p>Sa gitna ng patuloy na pagtatayo ng isla ng China at militarisasyon sa dagat, binuksan ang isang bilateral consultation mechanism para pag-usapan ang mga isyu.</p><p>&quot;We are hoping to see the visit as an opportunity for both sides to make greater commitments to bolster the already improving ties,&quot; sabi naman ni Lucio Blanco Pitlo III, propesor ng foreign policy at international studies, ukol sa nakatakdang pagbisita ni Xi. <strong>--Ulat ni Willard Cheng, ABS-CBN News</strong></p>

<p>Panibagong kabanata sa higit 1,000 taong ugnayan ng Pilipinas at China ang pagbisita ni Chinese President Xi Jinping sa bansa simula Martes.</p>

Panibagong kabanata sa higit 1,000 taong ugnayan ng Pilipinas at China ang pagbisita ni Chinese President Xi Jinping sa bansa simula Martes.