Push Admin

Ilang Pinoy nakararanas ng insomnia ngayong may pandemya

Article (news)

ABS-CBN News

<p>MAYNILA — Nagkaroon ng pagbabago sa kanilang pagtulog ang ilang Pilipino mula nang magkaroon ng pandemya dulot ng coronavirus disease (COVID-19).</p><p>Sabi ng ilan ay hirap silang makatulog habang ang iba&#x27;y hindi dinadalaw ng antok at nananatiling dilat ang mata kahit umaga na.</p><p>&quot;Matagal na rin akong hindi makatulog agad,&quot; sabi ni Humprey Defeles.</p><p>&quot;Sobrang hirap makatulog ngayon,&quot; sabi naman ni Jimmy Bungan Ayog.</p><p>Maaaring insomnia na dulot ng COVID-19 pandemic ang nararanasan ng ilan, ayon sa sleep disorder specialist na si Dr. Roland dela Eva.</p><p>Bunsod umano ito ng stress at iba pang emosyong bunga ng mga pagbabago mula ng magka-pandemya.</p><p>&quot;Nandoon &#x27;yong pangamba, nandoon &#x27;yong lungkot, parang walang kasiguraduhan sa kinabukasan. &#x27;Yong lungkot na &#x27;yong iba nawalan ng pera, nawalan ng hanapbuhay,&quot; ani Dela Eva.</p><p>&quot;Nawawala &#x27;yong parang schedule natin sa araw-araw... Nawawala &#x27;yong structure ng ating mga gagawin,&quot; dagdag niya.</p><p>Ilan sa mga epekto ng insomnia ang pagiging sumpungin at iritable, at hirap sa pag-focus sa mga gawain.</p><p>Maaari ring magdulot ang insomnia ng altapresyon, diyabetes, depresyon, at stroke.</p><p>Para maiwasan ang insomnia, ipinayo ni Dela Eva ang pagtatakda ng regular na oras ng pagtulog at paggising.</p><p>Mainam din umano ang pag-ehersisyo sa umaga, at pag-iwas sa kape, tsaa at ibang pagkain at inuming may caffeine.</p><p>Para naman sa mga nagwo-work from home, makatutulong umano kung maglalaan ng hiwalay na lugar sa trabaho imbes na sa tulugan o kama.</p><p>Ipinayo rin ng doktor ang paglimita sa pagse-cellphone, lalo na sa gabi.</p><p>Sa mga may iniisip namang problema, payo ni Dela Eva: &quot;Mag-designate tayo ng isang time, parang worry time.&quot;</p><p>&quot;Maganda kung mayroon silang notebook. Puwedeng isulat nila &#x27;yong kanilang mga problema doon, mag-offer ng solution,&quot; aniya.</p><div><strong>FROM THE ARCHIVES:</strong></div><figure class="op-interactive"><iframe height="315" src="https://www.youtube.com/embed/gcXll2iJSL0?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><div><strong>-- Ulat ni Jeffrey Hernaez, ABS-CBN News</strong></div>

<p>Ilang Pinoy ang nagsabing nagbago ang kanilang pagtulog mula nang mag-pandemya.</p>