Push Admin

Mangudadatu sa masaker: 'Habambuhay kong hahanapin ang hustisya'

Article (news)

ABS-CBN News

<figure class="op-interactive"><div id="IVS_ABS_Body_Video_1_Container"> <ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1445913" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="~//www.iwantv.com.ph/">iWantv</a> or <a href="~//tfc.tv/">TFC.tv</a></div><p>Walong taon na ang nakalilipas mula nang patayin ang 58 tao, kabilang ang 32 mamamahayag, sa tinaguriang &quot;Maguindanao massacre.&quot;</p><p>Pangunahing suspek sa insidente ang pamilya Ampatuan na kilala bilang political warlords, o politikal na pamilyang may armadong pangkat, sa Maguindanao.</p><p>Nag-ugat ito sa alitang politika ng mga pamilyang Ampatuan at Mangudadatu.</p><p>Kabilang sa mga pinatay ang asawa at ilang kaanak ni Maguindanao Governor Esmael &quot;Toto&quot; Mangudadatu.</p><p>Pero hanggang ngayo&#x27;y mailap pa rin ang hustisya dahil hindi pa tuluyang natutuldukan ang kaso.</p><p>Wala pang hatol ang korte laban sa halos 200 suspek sa krimen, kung saan 80 ang hindi pa naaresto.</p><p>Ayon kay Atty. Nena Santos, abogado ng mga pamilya ng biktima, malaki ang tiwala nila sa ebidensiyang hawak laban sa mga may sala.</p><p>Sa Maguindanao nitong Huwebes ng umaga, nagtipon-tipon ang pamilya Mangudadatu at kaanak ng mga biktima sa pinangyarihan ng patayan sa Sitio Masalay, Barangay Salman sa bayan ng Ampatuan.</p><p>&quot;Humihingi ako ng tulong sa mahal nating Pangulo ... Sana po... mabigyan na kami ng hustisya,&quot; ani Jergin Dela Cruz, anak ng biktimang si Gina Dela Cruz.</p><p>Sabay-sabay silang nag-alay ng dasal, bulaklak, nagtirik ng kandila, at nagpakawala ng puting lobo.</p><div class="embed-wrap"><figure data-feedback="fb:likes,fb:comments"><img src="https://sa.kapamilya.com/absnews/abscbnnews/media/2017/tvpatrol/11/22/mangundadatu.jpg"/><figcaption>Kabilang si Toto Mangundadatu sa gumunita sa ika-8 taon ng Maguindanao massacre na kumitil sa buhay ng kaniyang misis at iba pang kaanak. <em>Kuha ni Liam Acosta, ABS-CBN News</em></figcaption></figure></div><p>Hindi pa rin nawawalan ng pag-asa si Governor Mangudadatu na makakamit nito ang katarungan.</p><p>&quot;Huwag po tayong mapagod dahil habambuhay kong hahanapin ang mailap na hustisya,&quot; ani Mangudadatu. </p><p>Hulyo 2015 nang pumanaw sa sakit si Datu Andal Ampatuan Sr. na pangunahing akusado sa massacre.</p><p>Pansamantala namang nakalaya ang anak na si Sajid Islam Ampatuan noong Marso 2015 matapos makapagbayad ng piyansang P11.6 milyon.</p><p>Ayon naman kay Sajid Islam, bagaman hangad nito ang husitysa para sa mga kaanak ng biktima, nais rin nito ang hustisya sa mga maling naparatangan kaugnay ng insidente.</p><p>Nagtungo din sa Malacañang nitong Huwebes ang ilang kaanak ng mga biktima para personal na umapela ng tulong kay Pangulong Rodrigo Duterte.</p><div><strong>-- Ulat nina Liam Acosta at Raffy Santos, ABS-CBN News</strong></div>

<p>Sa paggunita sa ika-8 anibersaryo ng Maguindanao massacre, dumaing ang kaanak ng mga biktima na hanggang ngayo'y mailap pa rin ang hustisya para sa malagim na sinapit ng kanilang mga mahal sa buhay.</p>

Sa paggunita sa ika-8 anibersaryo ng Maguindanao massacre, dumaing ang kaanak ng mga biktima na hanggang ngayo'y mailap pa rin ang hustisya para sa malagim na sinapit ng kanilang mga mahal sa buhay.