Push Admin

Palengke sa Puerto Galera nasunog; halaga ng pinsala halos P14 M

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2020/news/11/24/sunog.jpg"/><figcaption>Nasunog ang pamilihang-bayan ng Puerto Galera, Oriental Mindoro noong Nobyembre 23, 2020. <em>Retrato mula kay Angelica M. Gaba</em></figcaption></figure></div><p><strong>(UPDATE)</strong> Sumiklab ang sunog sa pamilihang-bayan ng Puerto Galera, Oriental Mindoro gabi ng Lunes na nag-iwan ng tinatayang P13.8 milyong halaga ng pinsala sa ari-arian, ayon sa mga awtoridad.</p><p>Wala namang nasaktan sa sunog. </p><p>Ayon kay Fire Officer 1 Stephanie Balen, chief of operations ng Puerto Galera Fire Station, natupok ang unang palapag ng Puerto Galera Public Market building kung saan nakapuwesto ang mga tindahan.</p><p>Nagsimula ang sunog pasado alas-9 ng gabi at tumagal nang 2 oras bago maapula.</p><p>Umabot sa ikaapat na alarma ang pag-responde, kaya nagpuntahan din sa palengke ang mga bombero mula sa mga karatig-lugar na San Teodoro at Baco, at Calapan City.</p><p>Nag-igib na rin ng tubig mula sa dagat ang ibang tumulong sa pag-apula ng apoy.</p><p>Patuloy na inaalam ng Bureau of Fire Protection ang sanhi ng sunog.</p><p>Sa unang pagtataya ng lokal na BFP, nasa P13.8 milyon ang nawasak na paninda, kagamitan, at maging salaping naiwan sa mga kaha sa mga tindahan ng palengke.</p><p>Ayon kay Fire Inspector Angellyn Salvador, maaari pang tumaas ang halaga dahil patuloy pang hinihingi ang damage estimate sa mga tindero at tindera.</p><p>Nasa 33 tenant ang apektado at maging ang isang bahay sa tabi ng palengke.</p><figure class="op-interactive"><iframe height="315" src="https://www.youtube.com/embed/7CyOmOGgqTg?enablejsapi=1" width="560"></iframe></figure><div class="iwantbar"><em>Video mula kay Angelica M. Gaba</em></div><p>Inihahanda ang pansamantalang pupuwestuhan ng mga tindahan sa grand terminal ng mga tricycle na nasa Poblacion din.</p><p>Problema lang umano ng mga manininda ang pagkuha nila ng panibagong puhunan para sa ititinda.</p><p>Ayon kay Puerto Galera Mayor Rocky Ilagan, nangako ng pinansyal na tulong si Oriental Mindoro Governor Humerlito &quot;Bonz&quot; Dolor para sa mga nagtitinda.</p><p>May ibibigay ring ayuda ang lokal na pamahalaan.</p><p>Pero ayon kay Ilagan, kailangan din nila ng tulong mula sa national government.</p><p>Aminado ang alkalde, tila pangatlong dagok sa kanilang bayan ang sunog, matapos mawalan ng turismo at kabuhayan dahil sa COVID-19 pandemic at nasalanta ng bagyong Quinta at Rolly.</p><ul class="op-related-articles">	<li><a href="https://news.abs-cbn.com/news/10/04/20/publiko-pinag-iingat-laban-sa-sunog-ngayong-papalapit-na-ang-pasko">Publiko pinag-iingat laban sa sunog ngayong papalapit na ang Pasko</a></li></ul><div><strong>-- Ulat ni Anjo Bagaoisan, ABS-CBN News</strong></div><figure class="op-interactive"><iframe height="315" src="https://www.youtube.com/embed/IX5uvRHrd1Q?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>

<p><strong>(UPDATE)</strong> Sumiklab ang sunog sa pamilihang-bayan ng Puerto Galera, Oriental Mindoro gabi ng Lunes na nag-iwan ng tinatayang P13.8 milyong halaga ng pinsala sa ari-arian, ayon sa mga awtoridad.<br /> </p>

(UPDATE) Sumiklab ang sunog sa pamilihang-bayan ng Puerto Galera, Oriental Mindoro gabi ng Lunes na nag-iwan ng tinatayang P13.8 milyong halaga ng pinsala sa ari-arian, ayon sa mga awtoridad.