Push Admin

Davao City naghigpit sa health protocols matapos ibalik sa GCQ

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="https://sa.kapamilya.com/absnews/abscbnnews/media/2020/life/11/19/20201119-coronavirus-response-gcq-co-davao-city-information-office.jpg"/><figcaption>Ibinalik sa general community quarantine ang Davao City matapos dumami ang mga nagkakaroon ng COVID-19 sa lugar. <em>Retrato mula sa Davao City Information Office</em></figcaption></figure></div><p>Mas hinigpitan ang health protocols sa Davao City, na muling isinailalim sa general community quarantine (GCQ) dahil sa pagtaas ng bilang ng COVID-19 cases sa lungsod.</p><p>Nakararanas ng trapiko sa mga lugar sa lungsod kung saan may quarantine control points dahil sa pinaigting na pagbabantay ng mga awtoridad.</p><p>Mapa-pribado o pampublikong sasakyan, lahat ng motorista&#x27;y hinahanapan ng food and medicine pass, na ibinalik ng lokal na pamahalaan.</p><ul class="op-related-articles">	<li><a href="https://news.abs-cbn.com/news/11/20/20/we-will-abide-mayor-sara-agrees-with-gcq-recommendation-for-davao-city">&#x27;We will abide&#x27;: Mayor Sara agrees with GCQ recommendation for Davao City</a></li></ul><p>Mahigpit ding ipinatutupad ang pagpapasuot ng face mask sa mga taga-Davao City maging sa mga bisita.</p><p>Gusto na lang manatili sa bahay ng residenteng si Anacleta Alconera pero kailangan umano niyang lumabas para maghanap ng trabaho.</p><p>Ayon kay Alconera, nangangamba siya lalo&#x27;t lumalala ang COVID-19 cases sa lungsod.</p><p>Umabot na sa 5,994 ang bilang ng kaso ng COVID-19 sa Davao City.</p><p>Sa bilang na iyon, 3,729 ang gumaling at 227 ang namatay.</p><p>Sa inilabas na COVID-19 case bulletin ng Department of Health mula Nobyembre 1, 9 na beses nanguna ang Davao City sa mga lungsod at lalawigan na may pinakamataas na daily cases.</p><p>Pinakamarami noong Nobyembre 12 na may 214 cases.</p><p>Ayon sa Davao City Health Office, maituturing na second wave ang nangyari sa Davao simula kalagitnaan ng Oktubre dahil sa local transmission.</p><p>Lumabas naman sa pagsusuri ng OCTA Research Group na nagkaroon ng significant improvement ang sitwasyon sa Davao dahil sa agresibong pag-responde.</p><p>Pero hindi pa kumbinsido ang city health office na bumuti na ang sitwasyon.</p><p>&quot;Hindi ako nag-consider ng change because of the two-day decrease in the number of cases,&quot; ani Dr. Ashley Lopez ng Davao City Health Office.</p><p>Pero ayon kay Lopez, malaki ang tulong ng pagdating ng Coordinated Operations to Defeat Epidemic (CODE) response team sa Davao City at pagtatag ng &quot;One Hospital&quot; command center.</p><p>Hindi naman kailangang bawasan ang economic activities sa lungsod dahil manageable ang kaso, ayon kay National Task Force Against COVID-19 chief implementer Secretary Carlito Galvez.</p><p>Kasama rin sa mga hakbang kontra COVID-19 sa Davao City ang pagpapatupad ng curfew mula alas-9 ng gabi hanggang alas-4 ng madaling araw, 24-hour liquor ban hanggang katapusan ng taon, pagkakaroon ng QR code na magsisilbing electronic contact tracing form at travel pass, at pagbabawal ng pangangaroling.</p><p>Inaprubahan na rin ng konseho ang ordinansa na magmumulta at magpaparusa sa mga indibidwal at negosyo na hindi tumutupad sa physical distancing.</p><p>Pinag-aaralan naman ang posibilidad ng pagpapalawig ng GCQ sa Davao City hanggang Disyembre.</p><div><strong>RELATED VIDEO:</strong></div><figure class="op-interactive"><iframe src="https://www.youtube.com/embed/_2giG16mZto?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><div><strong>-- Ulat ni Hernel Tocmo, ABS-CBN News</strong></div>

<p>Mas hinigpitan ang health protocols sa Davao City, na muling isinailalim sa general community quarantine.</p>

Mas hinigpitan ang health protocols sa Davao City, na muling isinailalim sa general community quarantine.