Push Admin

3 pulis-Caloocan guilty sa pagpatay kay Kian delos Santos

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/eVwX3czptSw" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Nahatulang guilty sa kasong murder ngayong Huwebes ang tatlong pulis-Caloocan na pumaslang sa 17 anyos na si Kian Loyd delos Santos sa isang anti-drug operation noong 2017.</p><p>Sa desisyong inilabas ng Caloocan Regional Trial Court branch 125, pinatawan sina PO3 Arnel Oares, PO1 Jeremias Pereda, at PO1 Jerwin Cruz ng parusang reclusion perpetua o hindi bababa sa 40 taong pagkakakulong.</p><p>Ayon sa desisyon, lumalabas na umamin si Oares sa nakita ng isang testigo na binaril niya nang ilang beses si Delos Santos.</p><p>Dagdag ng desisyon, hindi tugma ang depensa ng pulis na &quot;nanlaban&quot; si Delos Santos sa physical evidence na isinumite ng PNP Scene of the Crime Operatives (PNP-SOCO), lumalabas kasi na walang pagkakataon si Delos Santos na ipagtanggol ang kaniyang sarili dahil nakaupo ito at tinatakpan ang kaniyang ulo.</p><p>Subalit &quot;not guilty&quot; naman ang hatol sa tatlo sa kasong pagtatanim ng ebidensya at armas kay Delos Santos dahil sa kakulangan ng ebidensiya.</p><p>Mananatili ang tatlong pulis sa kani-kanilang detention area hangga&#x27;t wala pang inilalabas na commitment order ang korte.</p><p>Marami ang nagbunyi sa desisyon ng RTC.</p><p>&quot;This means there is rule of law, truth and, justice in the Philippines. If ever there are some bad elements doing EJKs, they will face the strong arm of the law,&quot; sabi ni Persida Rueda-Acosta, pinuno ng Public Attorney&#x27;s Office na tumulong sa pamilya ni Delos Santos sa kaso.</p><p>&quot;This proves this government does not condone any killing which is unjustifiable,&quot; dagdag ni Rueda-Acosta.</p><figure class="op-interactive"><div id="IVS_ABS_Body_Video_1_Container"> <ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1397428" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Ikinalugod naman ng pamilya ni Delos Santos ang hatol laban sa tatlong pulis.</p><p>&quot;Ito na po &#x27;yung kasagutan na nagpapatunay na &#x27;yung anak ko ay isang inosente, at hindi po iyon kailanman na-involve sa drugs,&quot; ani Lorenza Delos Santos, ina ng biktima.</p><p>Sa ngayon ay hindi pa malinaw kung hanggang kailan mananatili sa ilalim ng witness protection program ang mga magulang ni Delos Santos.</p><p>Pero ayon kay Acosta, kailangan din nilang maghanda sakaling mag-apela sa Court of Appeals ang mga hinatulang pulis.</p><p>Noong Agosto 16, 2017 ay pinatay si Delos Santos matapos umanong manlaban sa mga pulis na umaaresto sa kaniya.</p><ul class="op-related-articles">	<li><a href="https://news.abs-cbn.com/video/news/08/17/17/binatilyo-patay-nang-manlaban-sa-pulis-pero-iba-ang-kuha-sa-cctv">BALIKAN: Binatilyo, patay nang &#x27;manlaban&#x27; sa pulis; pero iba ang kuha sa CCTV</a></li></ul><p>Pero lumutang agad ang CCTV na pinasisinungalingan ang naunang pahayag ng pulisya. Mapapanood sa footage na kinaladkad ang binatilyo at dinala sa madilim na lugar kung saan pinaniniwalaang binaril si Delos Santos.</p><p>Nagkaroon ng malawakang imbestigasyon ukol sa war on drugs matapos ang pagkamatay ni Delos Santos.</p><p>Sa isang pahayag, sinabi ni Philippine National Police (PNP) chief Director General Oscar Albayalde na nirerespeto nila ang desisyon ng korte.</p><p>Dapat daw magsilbing paalala ang nangyari sa kanilang mga tauhan na sumunod sa batas sa pagtitiyak ng kaligtasan ng publiko.</p><p>&quot;This case can serve as a reminder for the rest of our personnel to be extra diligent in fulfilling the requirements of the law as we serve and protect our citizens,&quot; sabi ni Albayalde sa isang pahayag.</p><p>Tiniyak ng Palasyo na hindi mabibigyan ng pardon ang tatlong pulis.</p><p>Sinabi ni Presidential Spokesperson Salvador Panelo na hindi kukunsintihin ng pangulo ang mga napapatunayang may sala sa batas at nang-abuso ng kanilang kapangyarihan.</p><p>Ayon naman kay Justice Secretary Menardo Guevarra, patunay ang hatol na walang kultura ng &quot;impunity&quot; o walang habas na patayan sa war of drugs ng gobyerno.</p><blockquote class="twitter-tweet" data-lang="en"><p dir="ltr" lang="en">Justice Sec Guevarra says the conviction of 3 Caloocan cops for the murder of Kian delos Santos &quot;debunks the myth that there is a culture of impunity in the government&#x27;s war against drugs.&quot; | via <a href="https://twitter.com/mikenavallo?ref_src=twsrc%5Etfw">@mikenavallo</a></p>— ABS-CBN News (@ABSCBNNews) <a href="https://twitter.com/ABSCBNNews/status/1067961569370345472?ref_src=twsrc%5Etfw">November 29, 2018</a></blockquote><p>&quot;We will continue to dispense justice, and let the hammer fall where it should fall,&quot; sabi ni Guevarra.</p><p>Nauna nang pinalusot ng Department of Justice si Chief Inspector Amor Cerill, ang dating superior ng tatlong pulis na dawit sa pagkamatay ni Delos Santos.</p><p>Nalipat naman sa Bulacan si Senior Superintendent Chito Bersaluna, ang dating hepe ng Caloocan police.</p><div><strong>-- May ulat nina Dexter Ganibe, Angel Movido, Ron Gagalac, Mike Navallo at Joyce Balancio, ABS-CBN News</strong></div>

<p>Nahatulang guilty sa kasong murder ang tatlong pulis-Caloocan na pumaslang sa 17 anyos na si Kian Loyd delos Santos sa isang anti-drug operation noong 2017. <br /> </p>

Nahatulang guilty sa kasong murder ang tatlong pulis-Caloocan na pumaslang sa 17 anyos na si Kian Loyd delos Santos sa isang anti-drug operation noong 2017.