Push Admin

ALAMIN: Pagkaing lumagpas na sa expiry date, maaari pa bang kainin?

Article (news)

ABS-CBN News

<figure class="op-interactive"><div id="IVS_ABS_Body_Video_1_Container"> <ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1444885" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="~//www.iwantv.com.ph/">iWantv</a> or <a href="~//tfc.tv/">TFC.tv</a></div><p>Madalas nating makita ang &quot;expiration date,&quot; &quot;consumed by,&quot; at &quot;best before&quot; sa ating pang araw-araw na pagkain ngunit hindi lubos na malinaw ano ang pagkakaiba ng mga ito.</p><p>Sa programang &quot;Konsumer ATBP.&quot; ng DZMM, tinalakay ng Food and Drug Administration (FDA) ang iba&#x27;t ibang klase ng product labelling. </p><p>Ayon kay Maria Theresa Cerbolles, regulation officer ng FDA, mayroon silang kautusan na nagsasabing expiration date ang dapat gamitin ng mga food manufacturer sa halip na &quot;best before&quot; upang masiguro ang kaligtasan ng mga konsumer. </p><p>Hindi kasi tahasang sinasabing bawal na ang pagkain kapag lumagpas ito ng &quot;best before&quot; date hindi katulad kung ang pagkain ay expired na, hindi na aniya ito maaaring ikonsumo. </p><p>&quot;Sa isang administrative order, dapat ginagamit ang expiration date sa isang produkto specifically doon sa madaling masira o high-risk food products,&quot; ani Cerbolles.</p><p>May iba rin naman daw na gumagamit ng &quot;best before&quot; pero dapat ay nilalagay lamang ito sa mga klase ng produkto na hindi madaling masira tulad ng kendi o biskwit dahil ito ay &quot;microbiologically stable.&quot;</p><p>Dagdag niya, kapag lumagpas na ang pagkain sa itinakdang &quot;best before&quot; date ay bumababa na ang kalidad nito, halimbawa&#x27;y pagkunat at pagtutubig.</p><p>Ano mang lumagpas na sa &quot;expiration date&quot; ay maaari nang makasira sa tiyan.</p><p>Sinang-ayunan naman ito ni Ricky Salvador, tagapagsalita ng Philippine Chamber of Food Manufacturers Inc.</p><p>&quot;Actually ayon doon sa batas, talagang expiration date ang mina-mandate ng FDA sa manufacturers,&quot; ani Salvador.</p><p>Paliwanag niya, wala nang palugit pa ang mga pagkaing lumagpas na sa expiration date dahil hindi na ito ligtas ayon sa pag-aaral.</p><p>&quot;Walang palugit iyon dahil base iyon sa mga pagsusuri sa testing na sina-submit namin sa FDA. So may test kami na sinasabing pagkatapos ng petsang iyan, huwag mo nang kainin.&quot;</p><p>&quot;Dont take chances,&quot; paalala ni Salvador.</p>

<p>Wala nang palugit pa ang mga pagkaing lumagpas na sa expiration date dahil hindi na ito ligtas ayon sa pag-aaral.</p>

Wala nang palugit pa ang mga pagkaing lumagpas na sa expiration date dahil hindi na ito ligtas ayon sa pag-aaral.