Push Admin

Bagyong Tisoy nagdulot ng sari-saring pinsala sa ilang lalawigan

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/YIghVKSWiB0?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>NAGA CITY — Walang kuryente at pahirapan pa rin ang linya ng komunikasyon sa Camarines Sur matapos manalasa doon ng bagyong Tisoy.</p><p>Naramdaman sa Camarines Sur ang lakas ng ihip ng hangin na may kasamang ulan madaling araw ng Martes.</p><p>Tapos na ang kalamidad bandang umaga pero nagbagsakan sa kalsada ang mga poste ng kuryente at telco.</p><p>Buong araw din ng Martes ay walang linya ng komunikasyon pero naibalik na ito Miyerkoles ng umaga.</p><p>Ayon sa Provincial Disaster Risk Reduction and Management Council (PDRRMC) ng CamSur, patuloy ang monitoring at pagkumpirma nila sa iba pang naiulat na biktima ng bagyong Tisoy.  </p><p>May mga nagsiuwian na pagkatapos manalasa ng bagyo, pero hiling ng mga nasalanta ay mabigyan sila ng construction materials para muling maitayo ang kanilang mga bahay.</p><p>Humihingi rin sila ng relief goods.</p><figure class="op-interactive"><iframe height="315" src="https://www.youtube.com/embed/i7qSBwUX0vA?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Samantala, idineklara na ang state of calamity sa Sorsogon at Albay dahil sa malawakang pinsala ng bagyo.</p><p>Nagpapatuloy naman ang damage assessment ng Albay Power and Energy Corporation sa mga poste ng kuryenteng nasira ng bagyo. <br/>    <br/>Nanawagan din ang ilang motorista sa agarang pag-alis ng mga sagabal sa kalsada dahil may ilan nang naaksidente doon. </p><figure class="op-interactive"><iframe height="315" src="https://www.youtube.com/embed/yemYwvePN4g?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Nag-iwan naman ng malaking pinsala sa mga bahay sa northern Samar ang bagyong Tisoy.</p><p>Gayunman, walang naiulat na nasaktan o nasugatan.</p><p>Pero sa lakas ng hangin, bumaligtad ang ilang cargo truck.</p><p>Sa ngayon ay hindi pa naibabalik ang suplay ng kuryente sa probinsiya ng northern Samar at pahirapan pa rin ang kumunikasyon.</p><p>Isinailalim na rin sa state of calamity ang Calbayog City.</p><figure class="op-interactive"><iframe height="315" src="https://www.youtube.com/embed/BfAG09b7Z9U?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Sa bayan naman ng San Andres, Quezon kung saan dumikit ang mata ng bagyong Tisoy, higit 1,000 bahay ang nawasak dahil sa hagupit nito.</p><p>Ayon sa mga residente, kailangan nila ng tulong para maipagawa muli ang mga nasira nilang impraestruktura.</p><p>Ayon kay San Andres Mayor Giovanne Lim, ngayon lang sila nakaranas ng bagyong ganoon kalakas at ganoon katagal.</p><p>&quot;Grabe &#x27;yung naranasan namin... Mula midnight hanggang alas-8, hindi siya tumigil... &#x27;Yung mga alon sobra nang lakas... We will do what we can here, pero sa tingin ko hindi namin kakayanin mag-isa. Kung may puwede pong tumulong, nakikiusap po kami,&quot; hiling ni Lim. </p><p>Sa huling tala, umabot na sa 13 ang namatay dahil sa hagupit ni Tisoy sa Luzon at Visayas. </p><p>Ayon sa Department of Agriculture, pumalo na sa kalahating bilyong piso ang pinsala ni Tisoy sa mga ari-arian at agrikultura hindi lang sa Bicol region kung hindi sa Calabarzon din.</p><p>Nakahanda naman ang ahensiya sa pamimigay ng mga pananim sa apektadong magsasaka.</p><p>Itinuturing si Tisoy na pinakamalakas na bagyong tumama sa bansa ngayong taon. <strong>—Ulat nina Jose Carretero, Mylce Mella, Chiara Zambrano, at Ranulfo Docdocan, ABS-CBN News</strong></p>

<p>Sa huling tala, umabot na sa 13 ang namatay dahil sa hagupit ni Tisoy sa Luzon at Visayas. </p>

Sa huling tala, umabot na sa 13 ang namatay dahil sa hagupit ni Tisoy sa Luzon at Visayas.