Push Admin

Pakiusap ng maliliit na negosyo: Likhang-Pinoy tangkilikin ngayong Pasko

Article (news)

ABS-CBN News

MAYNILA — Nakiusap ang mga maliliit na negosyante na tangkilikin sana ng mga mamimili ngayong Pasko ang mga gawang-Pinoy na kanilang ibinebenta, bilang pagtulong sa kanilang pagbangon mula sa pandemya. Nitong Biyernes ay ginanap ang &quot;Bagsakan&quot; bazaar sa ilang mall sa Metro Manila sa pangunguna ng Department of Trade and Industry (DTI). Sa Ayala Fairview Terraces sa Quezon City, sari-saring Filipino snacks ang matatagpuan tulad ng mga sumusunod:<ul>	<li> Araro cookies → P150-P250</li>	<li> Cashew nuts → P125-P330</li>	<li> Cashew butter → P230-P260</li>	<li> Cashew cookies → P160</li>	<li> Sweet and spicy fried dilis → P100-P180</li>	<li> Sweet and spicy fried squid → P120-P180</li>	<li> Bagoong → P80-P110</li>	<li> Cassava chips → P80</li>	<li> Polvoron → P100</li></ul>Mayroon ding mga sabon, pati mga bayong at iba ibang klaseng bags.<ul>	<li> Sabon → P128/piraso</li>	<li> Bayong na banig → P150</li>	<li> Tela na bag → P160</li>	<li> Leather bag → P560-P799</li>	<li> Leather wallet → P179-P215</li></ul>Puwede ring pagpilian ang belt, throw pillow at handmade Christmas balls na panregalo.Sa Bagsakan naman sa Greenhills, San Juan ay marami ring gawang-Pinoy na produkto ang mabibili. &quot;We were encouraged to really give prices na bagsak na bagsak talaga,&quot; ayon sa negosyanteng si Claro Ludan. May panawagan naman ang mga negosyante at DTI. &quot;&#x27;Wag po kayong mag-alala, kasi po itong mga produkto, lalu na pag endorsed ng DTI, is definitely quality. Export-quality pa nga po,&quot; ani Macon Macalintal, negosyante. &quot;I-prioritize natin &#x27;yung mga locally produced… Ang MSMEs (micro, small and medium enterprises) natin ngayon ay nasa 99.5 percent. Napakalaki ang contribution nila, nakakapagbigay talaga ng job opportunity. Kaya gusto natin sila hindi mawala,&quot; ani DTI Undersecretary Abdulgani Macatoman. Sa mga MSME na interesadong lumahok, puwedeng makipag-ugnayan sa DTI regional offices.Paalala naman ng DTI, mahigpit na ipatupad ang physical distancing at minimum health standards.<div>—Mula sa ulat ni Vivienne Gulla, ABS-CBN News </div>

Sa mga MSME na interesadong lumahok sa Bagsakan bazaar, puwedeng makipag-ugnayan sa DTI regional offices.

Sa mga MSME na interesadong lumahok sa Bagsakan bazaar, puwedeng makipag-ugnayan sa DTI regional offices.