Push Admin

Proklamasyong nagsasabing terorista ang CPP-NPA, pirmado na ni Duterte

Article (news)

ABS-CBN News

<p>Nilagdaan ni Pangulong Rodrigo Duterte nitong Martes ang proklamasyon na nagtatakda sa pagkakategorya sa Communist Party of the Philippines (CPP) at New People’s Army (NPA) bilang mga teroristang grupo.</p><p>Ayon kay Presidential Spokesperson Harry Roque, alinsunod ang proklamasyon ng Pangulo sa Republic Act No. 9372 o Human Security Act of 2007.</p><p>Wala pang ibinigay na kopya sa media dahil wala pang numero at petsa ang proklamasyon.</p><p>Dagdag ni Roque, ipinag-utos na rin ng Pangulo kay Justice Secretary Vitaliano Aguirre II na maghain ng petisyon sa Manila Regional Trial Court na isama ang CPP-NPA sa listahan ng mga teroristang grupo sa ilalim ng batas.</p><p>Ayon kay Roque, hindi nangangahulugang kikilalanin agad ng batas na teroristang grupo ang CPP-NPA.</p><p>Kailangan munang maghain ng mosyon sa korte dahil ito ang hinihingi ng Human Security Act at security resolution ng United Nations hinggil sa pagdeklarang terorista ang isang tao o grupo.</p><p>&quot;A proper petition must be filed by DOJ in court,&quot; paliwanag ni Roque.</p><p>Sa pagkakategorya sa CPP-NPA bilang teroristang grupo, maaari nang mapanagot ang mga tagasuporta ng mga grupo, lalo na ang mga nagpapaabot ng materyal at pinansiyal na tulong.</p><p>Nang tanungin kung ano ang mangyayari sa mga miyembro ng mga grupo, sabi ni Roque: &quot;That&#x27;s premature muna because we have to file first in court.&quot;</p><p>Hindi rin matiyak ni Roque kung ano ang dulot nito sa tagapagtatag ng CPP na si Jose Maria &quot;Joma&quot; Sison, na kasalukuyang nasa Netherlands.</p><p>&quot;I do not know what will happen to Joma, I do not know the status of Joma ... (he) has taken Dutch citizenship,&quot; ani Roque.<br/> <br/>&quot;If it is proven that he is, in fact, a part of CPP-NPA ... And if it can be proven that he provides material support to the CPP-NPA, then he can be proceeded against,&quot; dagdag ni Roque.</p><figure class="op-interactive"><div id="IVS_ABS_Body_Video_1_Container"> <ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1444620" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="~//www.iwantv.com.ph/">iWantv</a> or <a href="~//tfc.tv/">TFC.tv</a></div><div><strong>Basagin ang tradisyon</strong></div><p>Nitong Martes ng tanghali, sinabi ni Defense Secretary Delfin Lorenzana na hindi niya inirerekomenda sa Pangulo na mag-anunsiyo ng nakasanayang unilateral ceasefire ang gobyerno.</p><p>&quot;Kung masubok kami and we will stand down, then they will attack us again,&quot; <a href="http://news.abs-cbn.com/news/12/05/17/defense-chief-troops-can-break-tradition-on-x-mas-truce-with-reds">ani Lorenzana</a>. &quot;We can always break tradition.&quot;</p><p>Kabilang ang CPP-NPA sa listahan ng Estados Unidos ng mga foreign terrorist organzation mula Agosto 2002.</p><p>Noong Enero, inirekomenda ng gobyerno na ipatanggal sa listahan ang grupo sa gitna ng kanilang peace talks o usaping pangkapayapaan kasama ang National Democratic Front of the Philippines (NDFP), na may kaugnayan sa CPP-NPA.</p><p>Pero iginiit ng Amerika <a href="http://news.abs-cbn.com/news/02/02/17/cpp-npa-is-still-a-terrorist-group-us-says">noong Pebrero</a> na mananatili sa kanilang listahan ang CPP-NPA. </p><p>Epektibong pamamaraan umano ito para mabantayan ang mga nagbibigay ng suporta sa aktibidad ng mga grupo.</p><p>Noong Nobyembre 23, winakasan ni Pangulong Duterte ang peace negotiations kasama ang NDFP-CPP-NPA.</p><ul class="op-related-articles">	<li><a href="http://news.abs-cbn.com/news/11/23/17/duterte-signs-proclamation-cancelling-peace-talks-with-reds">Duterte signs proclamation cancelling peace talks with Reds</a></li></ul><p>Noong Linggo, pitong miyembro ng NPA ang patay habang dalawang sundalo ang nalagas sa isang sagupaan nang mapadaan ang militar sa kuwebang kuta ng mga rebelde sa South Cotabato.</p><p>Sa Baggao, Cagayan naman noong Sabado, mga NPA ang itinuturo ng pulis na salarin sa pagpatay sa isang konsehal sa loob ng kaniyang bahay.</p><ul class="op-related-articles">	<li><a href="http://news.abs-cbn.com/news/12/02/17/konsehal-patay-sa-pamamaril-ng-hinihinalang-npa">Konsehal patay sa pamamaril ng hinihinalang NPA</a></li></ul><div><strong>-- May ulat ni Jorge Cariño, ABS-CBN News</strong></div>

<p>Nilagdaan ni Pangulong Rodrigo Duterte nitong Martes ang proklamasyon na nagtatakda sa pagkakategorya sa Communist Party of the Philippines at New People’s Army bilang mga teroristang grupo.</p>

Nilagdaan ni Pangulong Rodrigo Duterte nitong Martes ang proklamasyon na nagtatakda sa pagkakategorya sa Communist Party of the Philippines at New People’s Army bilang mga teroristang grupo.