Push Admin

Dalagita umaming gawa-gawa lang ang post na 'dinukot' siya sa QC

Article (news)

ABS-CBN News

<figure class="op-interactive"><iframe src="https://www.youtube.com/embed/XTIrzsuCalA?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>MAYNILA — Umamin sa mga awtoridad ang isang 13 anyos na babae sa Quezon City na gawa-gawa lamang niya ang kuwento at post niya sa social media na dinukot siya at pinatutubos sa kaniyang mga magulang.</p><p>Noong Miyerkoles, humarap sa mga tauhan ng Quezon City Police District (QCPD), Criminal Investigation and Detection Group, at Barangay Old Balara si alyas &quot;Sarah&quot; at inaming hindi totoong siya ay kinidnap ng ilang lalaki gaya ng kaniyang sinabi sa social media.</p><p>&quot;Hindi po totoo na na-kidnap ako,&quot; ani Sarah sa panayam ng ABS-CBN News.</p><p>&quot;Naisipan ko lang po &#x27;yon kung may mag-aalala sa&#x27;kin o wala,&quot; dagdag niya.</p><p>Sa Facebook post, ibinahagi ni &quot;Sarah&quot; na dinukot siya sa may Old Balara. Humingi rin siya ng tulong dahil hindi raw siya makatakas sa mga nandukot sa kaniya.</p><p>Nai-share ng mga kaibigan ni &quot;Sarah&quot; ang post kaya napansin ito ng mga barangay official at pulis.</p><p>Sa takot, nagpa-blotter ang ina ni &quot;Sarah&quot; sa QCPD Station 6 noong alas-5 ng hapon noong Linggo.</p><p>Ipinakita rin ng ina ang text message na natanggap mula sa umano ay kidnapper, na nanghihingi ng perang pantubos kapalit ng buhay ng anak.</p><p>Unang naikuwento ng bata na pinakawalan daw siya ng mga dumukot sa kaniya noong Lunes dahil walang pera ang kaniyang mga magulang pero kalaunan ay umamin din na gawa-gawa lang ang nangyari.</p><p>Sa opisyal na report ni &quot;Sarah&quot; sa mga pulis, sinabi nitong nagtungo siya sa simbahan at nakitulong lang sa isa niyang kaibigan.</p><p>Inirekomenda ng QCPD na isailalim muna sa counselling sa Quezon City Protection Center si &quot;Sarah&quot; para matulungan. Pag-aaralan din kung kailangan itong dalhin sa Quezon City Social Services Development Department.</p><p>Muli namang hinimok ng mga awtoridad ang publiko na maging responsable sa pag-share ng mga sensitibong bagay sa social media.</p><div><strong>-- Ulat ni Doland Castro, ABS-CBN News</strong></div>

<p>Umamin sa mga awtoridad ang isang 13 anyos na babae sa Quezon City na gawa-gawa lamang niya ang kuwento at post niya sa social media na dinukot siya at pinatutubos sa kaniyang mga magulang.<br /> </p>

Umamin sa mga awtoridad ang isang 13 anyos na babae sa Quezon City na gawa-gawa lamang niya ang kuwento at post niya sa social media na dinukot siya at pinatutubos sa kaniyang mga magulang.