Push Admin

Pilot face-to-face classes sa NCR, maayos na naipatupad: DepEd

Article (news)

ABS-CBN News

<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1852800" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p><strong>(UPDATE)</strong> &quot;Smooth&quot; o maayos na naipatupad ngayong Lunes ang unang araw ng pagbabalik ng face-to-face classes sa mga paaralan sa Metro Manila, ayon sa Department of Education (DepEd).</p><p>Ayon kay Education Undersecretary Nepomuceno Malaluan, wala pang natatanggap na &quot;adverse report&quot; ang ahensiya mula sa 28 pampublikong paaralan sa National Capital Region na muling nag-face-to-face classes matapos ang halos 2 taong pagbabawal dahil sa COVID-19 pandemic.</p><p>Nasa 2,300 estudyante mula Kindergarten hanggang Grade 3 at senior high school ang inaasahang lalahok sa face-to-face classes, ayon sa DepEd.</p><p>Sa Comembo Elementary School sa Makati, sa handwashing area muna pinapunta ang mga balik-eskuwelang estudyante bago dumiretso sa classroom.</p><p>Sa Payatas B Annex Elementary School sa Quezon City, nagkaroon ng voluntary COVID-19 testing para sa mga estudyante.</p><ul class="op-related-articles">	<li><a href="https://news.abs-cbn.com/news/12/06/21/some-ncr-students-back-to-in-person-classes">Hundreds of Metro Manila students resume in-person classes</a></li></ul><p>Ayon naman kay Education Assistant Secretary Malcolm Garma, kuntento ang DepEd sa mga protocol na inilatag ng mga paaralan sa Metro Manila.</p><p>Pagkakataon na rin aniya ito para ma-assess ang face-to-face classes sa rural at urban setting.</p><p>&quot;Nakita natin iyong kaibahan in terms of facilities. Pero bagaman nasabi natin iyong pagkakaiba sa pasilidad, ang importante dito iyong pagkakapareho ng pinatutupad na health protocols,&quot; ani Garma.</p><p>Ngayong Disyembre, ipapasa ng DepEd sa Office of the President ang assessment sa pilot implementation ng face-to-face classes, na magiging batayan kung ilang paaralan ang madadagdag sa expansion phase sa susunod na taon.</p><p>Ayon din sa DepEd, binabantayan nila ang mga health advisory ukol sa banta ng Omicron variant, na magiging konsiderasyon sa nakatakdang expansion phase.</p><p>Nobyembre nang mag-umpisa ang pilot face-to-face classes sa 100 pampubliko at 20 pribadong paaralan.</p><p>Kamakailan, nadagdagan ito ng 177 pampublikong paaralan, kabilang ang 28 sa Metro Manila.</p><div><strong>— May ulat nina Arra Perez at Jekki Pascual, ABS-CBN News</strong></div><div><strong>RELATED VIDEO:</strong></div><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1852562" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>

Maayos na naipatupad ang unang araw ng pagbabalik ng face-to-face classes sa mga paaralan sa Metro Manila, ayon sa Department of Education.