Push Admin

Paalala ng DOH: Huwag gumamit ng torotot, pito sa Bagong Taon

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="https://sa.kapamilya.com/absnews/abscbnnews/media/2019/life/12/29/torotot-1.jpg"/><figcaption>Mga torotot na ibinebenta para sa Bagong Taon noong 2019. ABS-CBN News/File</figcaption></figure></div>MAYNILA — Bukod sa paputok, pinaiiwas ng Department of Health ang publiko sa paggamit ng torotot o pito sa pagsalubong ng Bagong Taon.Ayon kay Health Undersecretary Myrna Cabotaje, madali kasing magkahawahan ng coronavirus disease kapag gumamit ng hinihipang paingay. &quot;Do not use noise makers that will transmit COVID-19 and diseases via saliva,&quot; ani Cabotaje,.&quot;Kahit nag-iingay tayo, kailangan naka-mask, dapat naka-face shield parati at distancing,&quot; dagdag niya.Hinikayat naman ni Health Secretay Francisco Duque III ang publiko na maghanap ng mga alternatibo sa paputok at iba pang paingay.Ilan sa mga maaaring alternatibo ang tambol, busina o pagpalakpak, ayon sa kalihim.Magugunitang napagkasunduan kamakailan ng mga alkalde ng Metro Manila na i-regulate ang paggamit at pagbebenta ng fireworks sa pagsalubong sa 2021 dahil sa patuloy na banta ng COVID-19.<ul class="op-related-articles">	<li><a href="https://news.abs-cbn.com/news/12/07/20/paggamit-pagbebenta-ng-paputok-para-sa-bagong-taon-ire-regulate-metro-mayors">Paggamit, pagbebenta ng paputok para sa Bagong Taon ire-regulate: metro mayors</a></li></ul>Nitong Huwebes, nakapagtala ang DOH ng 1,383 bagong COVID-19 cases, para sa kabuuang 445,540 kumpirmadong kaso sa Pilipinas.<ul class="op-related-articles">	<li><a href="https://news.abs-cbn.com/news/12/10/20/covid-19-cases-in-ph-top-445000-as-country-logs-1383-new-infections">COVID-19 cases in PH top 445,000 as country logs 1,383 new infections</a></li></ul>Nauna nang nagbabala ang mga eksperto na maaaring tumaas ang bilang ng mga kaso ng COVID-19 kasunod ng holidays kung hindi susunod sa health protocols ang mga tao, tulad ng pagbabawal sa mass gathering at reunion.<ul class="op-related-articles">	<li><a href="https://news.abs-cbn.com/news/11/05/20/holidays-could-bring-uptick-in-covid-19-cases-in-ph-octa-research">Holidays could bring &#x27;uptick&#x27; in COVID-19 cases in PH: OCTA Research</a></li></ul>Samantala, nanawagan din ang Bureau of Fire Protection sa publiko na maging maingat nitong holiday season.Narito ang mga paalala ng bureau para sa ligtas na pagdiriwang:<ul>	<li> Gumamit lang ng mga electric decorations na aprubado ng DTI at gamitin ito ng akma. </li>	<li> Patayin ang mga pailaw kapag matutulog na o aalis ng bahay. </li>	<li> Ilayo ang mga saksakan ng pailaw sa mga bata. </li>	<li> Huwag manigarilyo o maglagay ng ash tray, kandila malapit sa Christmas tree, kurtina at ibang dekorasyon na puwedeng pagmulan ng apoy. </li>	<li> Ilayo ang mga madaling masunog na bagay sa mga saksakan at pailaw. </li>	<li> Huwag mag-overload ng mga saksakan. </li>	<li> Huwag mag-imbak ng paputok nang matagal.</li>	<li> Huwag bigyan ng paputok ang mga bata. </li>	<li> Huwag magpaputok malapit sa bahay o matataong lugar.</li>	<li> Huwag sisindihang muli ang ano mang paputok na hindi sumabog. </li></ul><div>-- Ulat ni Jasmin Romero, ABS-CBN News</div>

Bukod sa paputok, pinaiiwas ng Department of Health ang publiko sa paggamit ng torotot o pito sa pagsalubong ng Bagong Taon.

Bukod sa paputok, pinaiiwas ng Department of Health ang publiko sa paggamit ng torotot o pito sa pagsalubong ng Bagong Taon.