Push Admin

Pamilya minasaker sa Cagayan; away sa lupa itinuturong motibo

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/Z0U8_4Hnxto?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>Karumal-dumal ang ginawang pamamaslang sa isang mag-anak sa Barangay Ipil, Gonzaga, Cagayan noong Biyernes. Sa ipinapatayo nilang bahay, sabay-sabay nang pinaglalamayan ngayon ang anim na miyembro ng pamilya matapos barilin at pagtatagain pa. Umaga nitong Sabado nang matagpuang patay ang padre de pamilya na si Dizon Oandasan, 42; misis na si Sany Oandasan, 47; mga anak na sina Karen, 12, Wison, 13, Dizon junior, 5; at kamag-anak na si Juanito Soliva, 53.Ang mag-asawa, nakitaan ng tama ng bala sa kanilang ulo. Ang 3 anyos na bunsong si Denisson, kritikal matapos magtamo ng malalim na sugat sa leeg dahil din sa pananaga. Ito ang nag-iisang survivor sa krimen. Ayon sa pulisya, tinatayang hindi bababa sa lima ang gumawa sa pamamaslang.&quot;Talagang intensiyon nilang tapusin [ang buhay], nadamay na lang &#x27;yung mga bata para walang witness... Mga lima ang gumawa nito,&quot; ani Chief Inspector Elpidio Zingapan, hepe ng Gonzaga Municipal Police Station.Sa isang bahagi ng bakod kung saan nakarekober ng mga upos ng sigarilyo hinihinalang nag-abang ang mga salarin. Binaril muna ang mga biktima bago ang pananaga.Apat na tao ang iinimbestigan, kabilang ang mismong tiyuhin ni Dizon na nakaalitan umano nito dahil sa lupa.Pero todo-tanggi naman sa paratang si Samson Oandasan, ang naturang tiyuhin at sinabing may ibang nakaalitan ang pamangkin niya dahil sa pag-uugali nito.Naghihinagpis naman ang mga kaanak ng biktima dahil sa pagkakadamay pa ng mga bata.&quot;Wala silang awa, pati mga bata dinamay,&quot; ani Edison Salvador. Umaasa ang pulisya sa patuloy na pagbuti ng kondisyon ng kaisa-isang survivor para malutas ang krimen.<div>—Ulat ni Harris Julio, ABS-CBN News</div>

Sa ipinapatayo nilang bahay, sabay-sabay nang pinaglalamayan ngayon ang anim na miyembro ng pamilya matapos barilin at pagtatagain pa.

Sa ipinapatayo nilang bahay, sabay-sabay nang pinaglalamayan ngayon ang anim na miyembro ng pamilya matapos barilin at pagtatagain pa.