Push Admin

Paano gumagana ang COVID-19 vaccine, makakamit ang herd immunity?

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="https://sa.kapamilya.com/absnews/abscbnnews/media/2020/reuters/10/14/vaccine.jpg"/><figcaption>Isang babaeng may hawak na boteng may label na &#x27;Vaccine COVID-19&#x27; sa illustration na kinuhanan noong Abril 10, 2020. <em>Dado Ruvic, Reuters/File</em></figcaption></figure></div><p>Nagsimula nang magbakuna laban sa COVID-19 ang ilang bansa, na layong maprotektahan ang populasyon at magkaroon ng tinatawag na herd immunity para hindi na kumalat pa ang sakit.</p><p>Ayon sa public health expert na si Dr. Susan Mercado, kailangan ang mga bakuna upang maturuan ang mga katawan ng mga tao na lumaban sa bagong virus.</p><p>Ilang siglo na umanong ginagamit ang mga bakuna upang maiwasan ang matinding sintomas o pagkamatay mula sa sakit.</p><p>&quot;[In the] 18th and 19th centuries, there was systematic implementation of mass smallpox immunization. But global eradication occurred only in 1979. So you can see how long it has taken to eradicate a certain disease,&quot; ani Mercado.</p><p>Dahil sa makabagong teknolohiya, mas ligtas na ngayon ang mga bakuna.</p><p>Ang mga tradisyunal na bakuna ay gumagamit ng pinahina o pinatay na virus. Ang inactivated virus na ito ang mismong gamit ng mga COVID-19 vaccine developer tulad ng Sinovac at Sinopharm mula China.</p><p>Gumagamit naman ang mga bakuna ng AstraZeneca at Gamaleya ng Russia ng recombinant viral vector, kung saan inilalagay ang genetic code ng SARS-CoV-2 (ang virus na nagdudulot ng COVID-19) sa isang mas mahinang virus upang hindi magdulot ng sakit.</p><p>Mayroon ding sub-unit vaccine kung saan spike protein lang ng COVID-19 ang ginagamit, tulad ng bakuna ng Novavax.</p><p>&quot;You’re just sending the spike proteins inside and allowing our antibodies to recognize that, so when they see it again, if SARS-CoV-2 enters the body, they kill it,&quot; paliwanag ni Mercado.</p><p>Ang pinaka-moderno namang bakuna ay ang mRNA o nucleic acid vaccines, tulad ng ginagamit ng Pfizer at Moderna. Genetic code ang laman ng mga bakunang iyon.</p><p>&quot;They are quite different in the way they are made but they have the same effect,&quot; ani Mercado.</p><p>&quot;The effect is they allow the human body to see the spike protein in a form that is not very infectious,&quot; dagdag niya.</p><p>Dahil sa iba&#x27;t ibang teknolohiya, iba-iba rin ang storage equipment ng mga bakuna.</p><p>Ang lahat ng bakuna ay dadaan muna sa iba&#x27;t ibang pagsusuri upang makita kung ligtas at epektibo sa mga tao.</p><p>Ayon kay Mercado, ang punto ng pagbabakuna ay herd immunity, kung saan mapoprotektahan ang nakararami at hindi maipapasa ang sakit sa iba.</p><p>Batay sa kalkulasyon ng mga eksperto, kailangang mabakunahan ang 60 porsiyento ng populasyon o nasa 60 milyong Pilipino para maabot ang herd immunity, sabi ni Mercado.</p><p>Dahil sa paghusay ng teknolohiya at dagdag na kaalaman sa COVID-19, inaasahan ni Mercado na maaaring magbago o mag-improve pa ang mga bakuna sa mga susunod na taon.</p><p>Sa ngayon, mahalagang makakuha ng sapat na supply ang Pilipinas at maibigay agad sa sektor na vulnerable sa sakit.</p><ul class="op-related-articles">	<li><a href="https://news.abs-cbn.com/news/12/22/20/ilang-kontrata-sa-covid-19-vaccine-posibleng-pirmahan-ngayong-disyembre-galvez">Ilang kontrata sa COVID-19 vaccine posibleng pirmahan ngayong Disyembre: Galvez</a></li>	<li><a href="https://news.abs-cbn.com/news/12/09/20/pagbibigay-alam-tungkol-sa-bakuna-pinatututukan-bilang-paghahanda-sa-covid-19-vaccine-drive">Pagbibigay-alam tungkol sa bakuna, pinatututukan bilang paghahanda sa COVID-19 vaccine drive</a></li></ul><div><strong>-- Ulat ni Kristine Sabillo, ABS-CBN News</strong></div><div><strong>RELATED VIDEO:</strong></div><figure class="op-interactive"><iframe height="315" src="https://www.youtube.com/embed/_Tcuo2qdn7c?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>

<p>Nagsimula nang magbakuna laban sa COVID-19 ang ilang bansa, na layong maprotektahan ang populasyon at magkaroon ng tinatawag na herd immunity para hindi na kumalat pa ang sakit.</p>

Nagsimula nang magbakuna laban sa COVID-19 ang ilang bansa, na layong maprotektahan ang populasyon at magkaroon ng tinatawag na herd immunity para hindi na kumalat pa ang sakit.