Push Admin

Mga nasalanta ng Bagyong Odette sa Surigao del Norte, namamalimos na

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="limos ABS-CBN News" src="https://sa.kapamilya.com/absnews/abscbnnews/media/2021/life/12/23/20211223-limos-odette.jpg"/><figcaption>Namamalimos ang ilang biktima ng Bagyong Odette sa Surigao del Norte, Disyembre 23, 2021. <em>ABS-CBN News</em></figcaption></figure></div><p>Namamalimos na sa mga dumaraang sasakyan ang ilang nasalanta ng Bagyong Odette sa mga kalsada sa Surigao del Norte dahil sa anila&#x27;y mabagal na pagdating ng tulong.</p><p>Mula sa bayan ng Sison patungong Surigao City, makikita sa gilid ng highway ang mga karatula ng mga biktima ng bagyo na humihingi ng tulong.</p><p>&quot;Bahay ko nasira na tapos ako lang mag-isa. Wala na ako asawa,&quot; sabi ni Berlita Baginaon, isa sa mga namamalimos.</p><p>Masuwerteng nakaligtas si Baginaon matapos mabagsakan ng puno ng niyog ang banyo ng kanilang bahay kung saan sila nagtago ng kaniyang anak at apo noong kasagsagan ng bagyo.</p><p>Hindi naman itinanggi ng mga namamalimos na may natanggap na silang ayuda mula sa goyberno pero hindi raw ito sapat dahil pang-2 araw lang ang itinagal.</p><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1871804" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Pero hindi lang pagkain ang kailangan ng mga biktima kundi pati pambili ng yero at kahoy para muli nilang maitayo ang kanilang mga bahay.</p><p>&quot;Hirap na kami ngayon. Ang tulugan namin tumutulo ang bahay namin, wala kami pera makabili ng yero. Maawa naman kayo sa amin,&quot; sabi ni Diding Callano.</p><p>Binalot naman ng plastic ng residenteng si Mary Ann Capua ang kaniyang paa na puro alipunga.</p><p>Sa kabila ng kondisyon, nasa lansangan pa rin siya at nagtitiyagang mamalimos kahit barya para may pambili ng pampaayos ng bahay.</p><p>Para sa mga biktima ng bagyo, ngayong walang-wala sila, hindi nila alam kung paano ipagdiriwang ang Pasko.</p><p>&quot;Malungkot kasi ang Pasko namin ngayon, kaya kami andito, para makabili kahit pangkain lang namin,&quot; sabi ni Manilyn Resare.</p><p>Dahil marami rin ang mga bata na humaharang sa daan para mamalimos, nababahala ang Surigao del Norte Provincial Social Welfare and Development Office (PSWDO) na baka maaksidente sila.</p><p>Ayon kay Fe Saumat, head ng PSWDO, nakapamigay na sila ng tulong at idinederetso sa mga local government unit ang relief goods mula sa mga donor.</p><p>Pinapatigil na ng PSWDO ang pamamalimos sa daan. Pinapaaksyunan na nila ito sa mga pulis at barangay official dahil anila&#x27;y delikado sa lansangan.</p><p>Sa tala ng provincial disaster office, 21,148 bahay ang wasak na wasak at hindi na mapapakinabangan pa dahil sa bagyo.</p><p>May 56,856 bahay namang bahagya lang ang tinamong pinsala.</p><p>Umabot na rin sa 25 ang bilang ng mga nasawi sa buong probinsiya habang 25 pa ang nawawala sa Del Carmen, Siargao Island.</p><div><strong>— Ulat ni Dennis Datu, ABS-CBN News</strong></div><div><strong>RELATED VIDEO</strong></div><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1870549" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>

Namamalimos na sa mga dumaraang sasakyan ang ilang nasalanta ng Bagyong Odette sa mga kalsada sa Surigao del Norte dahil sa anila'y mabagal na pagdating ng tulong.