Push Admin

Pagbabasbas ng mga replica ng Itim na Nazareno, nagsimula na

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="Sinimulan nitong Disyembre 27, 2021 ang pagbabasbas ng mga replica ng Itim na Nazareno sa Quiapo Church, Maynila. Joyce Balancio, ABS-CBN News" src="https://sa.kapamilya.com/absnews/abscbnnews/media/2021/tvpatrol/12/27/quiapo-church.jpg"/><figcaption>Sinimulan nitong Disyembre 27, 2021 ang pagbabasbas ng mga replica ng Itim na Nazareno sa Quiapo Church, Maynila. <em>Joyce Balancio, ABS-CBN News</em></figcaption></figure></div><p>Sinimulan ngayong Lunes ang taunang pagbabasbas sa mga replica ng Itim na Nazareno sa Minor Basilica of the Black Nazarene (Quiapo Church) sa Maynila.</p><p>Para maiwasan ang dagsa ng mga deboto, ginawang 3 araw ang pagbabasbas, ani Quiapo Church parochial vicar Fr. Douglas Badong.</p><p>&quot;Iyong dating 1 araw lang natin ginagawa, para maiwasan ang ating pagdidikit-dikit at masunod pa rin natin ang physical distancing, ay ginawa nating 3 araw,&quot; ani Badong ukol sa event na tatagal hanggang Disyembre 29.</p><p>Kasabay ng pag-umpisa ng pagbabasbas, nagdaos din ng misa sa Quiapo Church bandang tanghali ng Lunes.</p><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1875064" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Samantala, sinimulan din ngayong Lunes ang paglabas sa mga imahen ng Nazareno sa Quiapo Church para dalhin sa mga probinsiya.</p><p>&quot;Nasa Atimonan, Quezon... at bukas naman ay bibiyahe iyong isang pa-north, papunta naman ng Baguio Cathedral,&quot; ani Badong.</p><ul class="op-related-articles">	<li><a href="https://news.abs-cbn.com/news/11/29/21/imahen-ng-itim-na-nazareno-ililibot-sa-iba-ibang-simbahan">Imahen ng Itim na Nazareno ililibot sa iba-ibang simbahan</a></li></ul><p>Humingi naman ng pang-unawa ang pamunuan ng Quiapo Church kung hindi pa rin maidaraos sa susunod na taon ang nakagawiang prusisyo ng Traslacion, na nilalahukan ng daan-libong tao.</p><ul class="op-related-articles">	<li><a href="https://news.abs-cbn.com/news/11/26/21/traslacion-suspendido-ulit-sa-2022">Dinaragsang prusisyon sa Traslacion suspendido ulit sa 2022</a></li></ul><p>Sa Disyembre 30 naman magkakaroon ng thanksgiving procession ang Nazareno sa rutang dinadaanan ng Traslacion.</p><p>May mga pag-iingat pa ring gagawin para hindi dagsain ng mga deboto ang prusisyon.</p><p>&quot;Imo-motorcade lang para naman po makalabas ang Nazareno na nakagawain, matunghayan siya. Puwede naman na doon lamang sa dadaanan, magsindi ng kandila,&quot; ani Badong.</p><p>Magsisimula naman alas-5 ng madaling araw ang mga Misa sa Disyembre 31, na idaraos kada oras hanggang alas-6 ng gabi.</p><p>Alas-8 ng gabi naman isasagawa ang Misa para sa bisperas ng Bagong Taon sa Quiapo Church.</p><p>Hinikayat ang mga mananampalataya na bisitahin ang Facebook page ng simbahan para makita ang updated schedule ng mga aktibidad at Misa.</p><div><strong>— Ulat ni Joyce Balancio, ABS-CBN News</strong></div>

Sinimulan ngayong Lunes ang taunang pagbabasbas sa mga replica ng Itim na Nazareno sa Quiapo Church sa Maynila.