Push Admin

Underwear na may polka dots, iba pang pampasuwerte patok sa 'Divi' bago mag-Bagong Taon

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2020/life/12/30/20201230-underwear-na-may-polka-dots.jpg"/><figcaption>Ilan sa mga underwear na may polka dots na ibinebenta sa Divisoria. Pinaniniwaalaan umano ng iba na pampasuwerte ang mga damit na may polka dots. <em>ABS-CBN News.</em></figcaption></figure></div><p>MAYNILA - Dinagsa na ng mga mamimili ang Divisoria para sa mga ihahandang prutas para sa Media Noche, maging ang mga pinaniniwalaang &quot;pampasuwerte&quot; sa pagsalubong sa taong 2021. </p><p>Kabilang sa mga ibinebenta ang mga damit na may polka dots. </p><p>Aabot sa P75 ang pambatang leggings. May blouse ding nasa P100, at kung gusto ng may ka-terno, mabibili ang mga ito sa P150. </p><p>Pero dito, pinakapatok umano ang mga polka dot na underwear. </p><p>&quot;Lalo na ho ngayon, di ba, pandemic? Kailangan po talaga ng tao &#x27;yung makakamura. &#x27;Yung iba po kasi naniniwala sa mga pampasuwerte,&quot; ayon sa isang tindera na si Beth Silva. </p><figure class="op-interactive"><iframe height="315" src="https://www.youtube.com/embed/uLnmudq2-3I?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Bagsak-presyo naman ang mga bilog na prutas na binibili bilang pampasuwerte sa pagsalubong ng Bagong Taon. </p><p>Ang kiat-kiat na nasa P120 hanggang P150 kada kilo noon, ngayon P100 na lang. </p><p>May posibilidad din itong bumaba sa P80 sa Huwebes, bisperas ng Bagong Taon. </p><p>&quot;Siguro po kasi patapos na rin. Magba-Bagong Taon na kaya binagsak na rin sa storage &#x27;yung panindang prutas,” ani Kat Baja, tindera ng prutas. </p><p>Aabot naman sa P150 ang kada kilo ng red globe na ubas, na dating P180 kada kilo. Posible pa umano itong bumaba sa P120 sa Huwebes.</p><p>Ang kada tatlong pirasong ponkan naman na size 100, mabibili sa P10 hanggang P25. Mas mura ito kaysa sa P10 kada pirasong nabibili noon. </p><p>Wala namang pagbabago sa presyo ng seedless grapes na naglalaro sa P250 hanggang P300 kada kilo. </p><p>Nagtaas-presyo naman ang ilang prutas gaya ng longan na nasa P200 kada kilo mula P160. </p><p>Nasa P35 na kada piraso ang persimmon mula P20 hanggang P25. Nasa P30 naman ang wholesale price nito. </p><div><strong>TOROTOT </strong></div><p>Bagsak-presyo naman ang torotot, ngayong hindi na ito mabenta. </p><p>Ayon sa mga tindera ng torotot, ito ay dahil sa pangamba ng mga doktor sa paggamit ng torotot ngayong Bagong Taon. </p><p>Una nang nabanggit ng mga eksperto na maaaring makahawa ng sakit ang paggamit ng torotot habang may coronavirus disease (COVID-19) pandemic. </p><p>Bantay-sarado naman ng pulis ang mga pasukan at labasan. Bawal din sa loob ang mga hindi nakasuot ng mask at face shield. </p><p>Nakumpiska rin ng mga pulisya ang mga ipinagbabawal na paputok gaya ng Sinturon ni Hudas, Five Star, at iba pa. </p><div><strong>— Ulat ni Zandro Ochona, ABS-CBN News</strong></div>

<p>Dinagsa na ng mga mamimili ang Divisoria para sa mga ihahandang prutas at 'pampasuwerte' para sa Media Noche. </p>

Dinagsa na ng mga mamimili ang Divisoria para sa mga ihahandang prutas at 'pampasuwerte' para sa Media Noche.