Push Admin

‘Basta may handa’: Ilang mamimili simple ang ‘pandemic media noche’

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2020/news/12/31/20201231-media-noche.jpg?ext=.jpg"/></figure></div>MAYNILA - Kani-kaniyang paraan ang mga konsyumer para makapamili ng pang-media noche para sa bagong taon ngayong umaaray ang marami dahil sa epekto ng coronavirus disease (COVID-19) pandemic. Nagtaas ang presyo ng litson sa La Loma sa Quezon City pero hindi nito napigilan ang pagdagsa ng mga taong gustong mamili ng litson para sa media noche. Paliwanag ng samahan ng mga naglilitson sa La Loma, ito ay dahil nagtaas umano ang mga baboy na galing sa kanilang mga supplier. &quot; &#x27;Pag mataas ang demand, magmamahal ang supply magmamahal ang supply kaya lang di kami ang kumukontrol noon kasi from hog farmer hanggang pagdating sa amin, nagkakaroon talaga ng epekto ng malaki,” ani Monching Ferreros, pinuno ng La Loma Lechoneros Associations. Kabilang sa mga namili si Sol Soriano, na nakabili ng tig-P10,000 halaga na lechon na mas mataas pa sa kaniyang P6,000 na budget. &quot; &#x27;Yung halagang P6,000 &#x27;yung kaya lang ng bulsa ko pang-raos lang ng New Year celebration,” ani Soriano. Kung kapos sa budget, may mga nabibili na P1,200 kada kilo. May P800 naman kada kilo na ulo ng litson, na mahabang pinilahan ng mga kustomer. Kasama sa pumila rito si Christian De Silva. &quot;May pandemic po kasi kaya tipid-tipid muna basta meron lang sa handaan,&quot; ani De Silva. Ang ilan, gaya ni Ajethro Delotavo, mahigit 4 oras pumila sa isang pamilihang nagbebenta ng P1,100 kada kilo na lechon. &quot;Kahit 2 kilo lang po basta meron lang mailatag lang po sa la mesa,&quot; ani Delotavo. Ang mag-asawang Julia at Anthony Reyes, tiniyaga rin ang haba ng pila para makabili lang ng 2 kilong lechon. Dahil sa mga quarantine restriction na dala ng COVID-19 pandemic, marami ang nawalan ng trabaho o umaaray ang kita. Ang ilang kustomer sa Balintawak market gaya ni Ferdinand Huyumpak, hindi na muna kinumpleto ang 12 klase ng bilog na prutas na tradisyon tuwing bagong taon. &quot;Mahirap mag-budget, isanlibo lang budget ko pinagkakasya ko lang,&quot; ani Huyupak. May ilan ding tingi mamili gaya ni Felina Faune, 74 anyos, na namili ng tig-P5 na Ponkan. Nagtaas din ang presyo ng mga mabiliing prutas tuwing Bagong Taon. Gayunman, dinagsa pa rin ito. Si Jenna Atienza na namimili sa isang supermarket, namili lang ng ham at pang-fruit salad at spaghetti na mas tipid ang handa kumpara noong dati. “Mas masagana dati, mas masaya, ngayon sa loob ng bahay lang di ka na pwede lumabas syempre takot din kami lalo bagong virus,” aniya. Aminado ang pamunuan ng grocery na si Agustina Madrilejo na bumaba ang kita nila dahil sa pandemya. &quot;Hindi na ganoon ang pag-purchase ng tao, &#x27;di gaya ng dati medyo okay binibili nila marami, ngayon basic lang,&quot; ani Madrilejo. Hangad ng mga mamimili na matapos na ang pandemya. <div>— Ulat nina Alvin Elchico at Angel Movido, ABS-CBN News</div>

Kani-kaniyang paraan ang mga konsyumer para makapamili ng pang-media noche para sa bagong taon.

Kani-kaniyang paraan ang mga konsyumer para makapamili ng pang-media noche para sa bagong taon.