Push Admin

Kaso ng pagpatay kay dating Tanauan Mayor Antonio Halili muling pabubuksan ng PNP

Article (news)

Jeff Caparas

ABS-CBN News

MAYNILA -- Muling pabubuksan ng Philippine National Police (PNP) sa Criminal Investigation ang Detection Group (CIDG) ang kaso ng ilang mga opisyal ng gobyerno na napatay sa war on drugs sa ilalim ng administrasyong Duterte, ayon kay PNP Spokesperson PBGen Jean Fajardo. Ito ay matapos na mabanggit ni dating Philippine Charity Sweepstakes Office (PCSO) chief Royina Garma sa QuadComm sa House of Representatives ang pagkakasangkot ng isang aktibong opisyal ng PNP sa pagpatay kay noo’y Tanauan City Mayor Antonio Halili. Hulyo 2018 nang barilin si Halili habang nasa flag raising ceremony ng isa umanong sniper. Ayon kay Garma, isang pulis na may pangalang “Albotra” umano ang nagbanggit at nagyabang nito sa kanya. Bukod sa kaso ni Mayor Halili, muling pabubuksan sa CIDG ang ilang mga kaso katulad nito sa ilalim ng war on drugs nang nagdaang administrasyon. Samantala, nakatakdang nang sampahan ng kasong murder at frustrated murder ang anim na indibidwal na idinadawit naman sa pagpaslang kay dating PCSO Board Secretary Wesley Barayuga.Tinambangan ng naka motorsiklong suspek si Barayuga habang lulan ng kanyang pickup sa Samat Street, Mandaluyong City noong July 30, 2020.Patuloy namang iimbestigahan ng PNP kung iisang grupo ang nasa likod ng pagpaslang kay Mayor Halili at kay Barayuga.

Muling pabubuksan ng PNP sa CIDG ang mga kaso ng ilang dating opisyal ng gobyerno na napatay kasabay umano ng war on drugs sa ilalim ng administrasyong Duterte.

Muling pabubuksan ng PNP sa CIDG ang mga kaso ng ilang dating opisyal ng gobyerno na napatay kasabay umano ng war on drugs sa ilalim ng administrasyong Duterte.