Push Admin

4 arestado kasama ang isang menor de edad dahil sa pamemeke ng dokumento

Article (news)

Niko Baua

ABS-CBN News

MAYNILA — Apat ang arestado, kabilang ang isang menor de edad, matapos ang raid sa pagawaan ng mga pekeng passport at iba pang dokumento sa Recto, Maynila.Sinalakay ng National Bureau of Investigation (NBI) Special Task Force ang magkakatabing mga bahay sa Recto Avenue at Quezon Boulevard sa Maynila Lunes ng gabi.Nagkunwari silang nagpapagawa ng NBI clearance at natunton ang kwarto kung saan ginagawa ang mga dokumento.Updated pa ang pekeng NBI clearance, dahil nakalagay na dito ang kinopyang pirma ng bagong NBI director na si Jaime Santiago, na kanyang ikinadismaya.“Ako na ang naka-pirma. Eh pinepeke nila dito. Kaya trinabaho ng aming STF at cybercrime unit. E ito natagpuan nila. Dito ginagawa yung mga peke na ganito,&quot; ayon kay Santiago.<div><a href="https://news.abs-cbn.com/news/2024/9/24/tony-yang-admits-having-fraudulent-ph-birth-certificate-in-senate-pogo-probe-1107">BASAHIN: Tony Yang admits having fraudulent PH birth certificate</a></div>Bukod sa NBI clearance nakita rin ang mga pekeng seal ng iba&#x27;t-ibang ahensya ng gobyerno. Meron ding mga stamp ng mga ahensya.Bukod pa ito sa mga template ng mga dokumento ng Land Registration Authority, LTO, birth certificate, mga tseke at government ID.Tinanggi naman ng suspek na siya ang nagproseso sa pekeng NBI clearance.&quot;Hindi ako. Paano ko magagawa &#x27;yan, di nga ako marunong gumamit ng computer,” ayon sa suspek.<div>ANAK NG SUSPEK, NADAWIT</div>Nahuli rin umano ang isang 17-year-old Criminology student na anak ng suspek na sinasabing kasama umano sa pamemeke ng mga dokumento. “Hindi &#x27;yan gagawin ng anak ko… kasi hindi siya gagawa ng bagay na ikasisira ng buhay niya,” ayon pa sa suspek.Kinumpiska ng NBI ang mga computer, printer at ibang gamit ng mga suspek sa pamemeke ng mga dokumento.Babala ng NBI, madali na ngayon ma-double check kung peke ang mga dokumento, kaya&#x27;t hindi dapat magtangkilik ang publiko nito.“Ang mga kumukuha nito ay ang mga umiiwas, yung mga may kaso.  Pero kapag ikaw nahuli ka na may pekeng ganito, sa batas, ikaw ang makokonsider na nameke nito,”  paliwanag ni Santiago.Nasa kustodiya na ng social welfare office ang suspek na menor de edad. Kulong naman ang tatlong iba pang suspek sa kasong Falsification of Public Documents.

Apat ang arestado, kabilang ang isang menor de edad, matapos ang raid sa pagawaan ng mga pekeng passport at iba pang dokumento sa Recto, Maynila.

Apat ang arestado, kabilang ang isang menor de edad, matapos ang raid sa pagawaan ng mga pekeng passport at iba pang dokumento sa Recto, Maynila.