Push Admin

Panibagong batch ng mga OFW mula Lebanon, nakauwi na

Article (news)

Jeffrey Hernaez

ABS-CBN News

MAYNILA -- Umabot na sa 555 ang bilang ng mga Pilipino na nakabalik sa bansa mula sa Lebanon mula nang muling sumiklab ang gulo sa pagitan ng Israel Defense Forces at Hezbollah noong Oktubre 2023.Sa bilang na ito, 525 sa mga ito ay mga Overseas Filipino Workers (OFW) habang 30 naman ang dependent o mga anak at iba pang miyembro ng pamilya.Huling umuwi ang 47 pang Filipino Huwebes ng hapon lulan ng Kuwait Airways flight 417.Nag-avail sila ng repatriation, sagot ng gobyerno lahat, simula sa shelter hanggang sa paglipad at pagdating nila dito, ayon kay Atty. Ace Millar, head ng Repatriation Assistance Division ng Overseas Workers Welfare Administration.Nagpasya na umanong bumalik ang mga ito sa Pilipinas dahil sa tumitinding gulo.&quot;Mas magiging intense sa South Lebanon kung saan naghahanap ng paraan yung ating embahada na isagip yung mga konting Pilipino na nandun, although they are not yet in harms way pero meron nang iba dun na nakapunta na sa Beirut at kasama na sa flight ngayon,&quot; ayon kay Department of Foreign Affairs Undersecretary Eduardo de Vega.Kabilang dito si Felicilda Aboc na 18 taon na nanatili sa Lebanon.&quot;Dahil po sa gulo doon, maski hindi pa tapos ang working permit doon, lahat ng papers ko, voluntary akong nag-surrender ng aking papers para lang makauwi dahil po sa gulo,&quot; aniya.Gayunman, marami pa rin umanong pinoy ang pinili pa rin na manatili sa Lebanon.&quot;Nandoon ang trabaho nila, ayaw na umalis…. Maybe they have personal reasons to stay there… Third, matatapang ang mga kababayan natin,&quot; dagdag ni de Vega.Sa kabila naman ng tumitinding gulo, hindi pa itinataas sa Level 4 ang sitwasyon sa Lebanon kung saan magpapatupad na ng mandatory evacuation sa mga Pilipino na nagtatrabaho at naninirahan doon.&quot;We are waiting for the ambassador&#x27;s recommendation. One, if there is no more functioning government locally, the other is if the situation is already, such that there is total risk to life,&quot; paliwanag ni de Vega.Patuloy naman umanong nakahanda at nakabantay ang pamahalaan sa kalagayan ng mga Pinoy sa Lebanon.&quot;We are making our services more available, we have hotlines, we have transport even sa mga mangangailangan na madala sa mga shelters… May mga roving teams tayo, &quot;pagtitiyak ni Department of Migrant Workers Secretary Hans Leo Cacdac.Samantala, tiniyak naman ni Department of Health Secretary Ted Herbosa na nasa maayos na kalagayan ang mga umuwing Pinoy ngunit isasailalim pa rin sa ilang medical tests.&quot;They will still undergo physical examination and a psychological first aid for the crisis that they went through,&quot; ani Herbosa.Makatatanggap ang mga umuwing OFW ng P170,000 na financial assistance mula sa DMW, OWWA, at DSWD.Nakahanda na rin ang iba pang tulong mula sa iba pang ahensya ng pamahalaan tulad ng DOH at TESDA.

Umabot na sa 555 ang bilang ng mga Pilipino na nakabalik sa bansa mula sa Lebanon mula nang muling sumiklab ang gulo sa pagitan ng Israel Defense Forces at Hezbollah noong Oktubre 2023.

Umabot na sa 555 ang bilang ng mga Pilipino na nakabalik sa bansa mula sa Lebanon mula nang muling sumiklab ang gulo sa pagitan ng Israel Defense Forces at Hezbollah noong Oktubre 2023.