Itinaas ng Department of Health ang Code White Alert hanggang Ika-2 ng Nobyembre sa buong bansa kaugnay ng Undas.

Ang Code White Alert ay hudyat ng kahandaan ng mga ospital kung saan ang mga healthworkers tulad ng mga general at orthopedic surgeons, anesthesiologists, internists, operating room nurses, ophthalmologists at otorhinolaryngologists ay handang tumugon anumang oras o sa mga emergency.

DOH on code white: What does this mean?

Kasama rin na naka alerto ang Operations Center (OPCEN) ng mga ospital para makipag-ugnayan at mag-ulat sa mga regional at central office ng Kagawaran.

Pinapayuhan naman ng Kagawaran ang publiko na planuhing bumisita sa sementeryo sa mga oras na hindi gaanong matao. Makatutulong din na magdala ng tubig, pagkain, first aid supplies, at payong.