Push Admin

FACT CHECK: Hindi naghain ng kaso si Pimentel laban kay Romualdez

Article (news)

ABS-CBN Investigative and Research Group

<div><img src="https://news-workbench-api.abs-cbn.com/api/upload-raw/20241107081156/e3b0c44298fc1c149afbf4c8996fb92427ae41e4649b934ca495991b7852b855.png" class="fr-fic fr-dib" style="width:960px"/></div>Hindi naghain ng kaso si Senador Aquilino “Koko” Pimentel III laban kay House Speaker Martin Romualdez sa Korte Suprema dahil sa umano’y anomalya sa 2024 budget, taliwas sa video na ipinost sa TikTok.Makikita sa TikTok video ang inilapat na tekstong: “martin rumoldes kakasohan ni senator koko pimentel sa sabwatan ng pundo national badget ang kaso ihain na sa supreme court.”Kuha ang ginamit na panayam ni Pimentel sa video ng <a href="https://www.facebook.com/share/v/h9rn628wukyDyJ1u/">Inquirer.net</a> na ipinost noong Disyembre 13, 2023. Dito maririnig ang senador na kinokondena ang pagtaas ng alokasyon para sa unprogrammed funds sa 2024 national budget.Maririnig ang senador na sinasabing: “Ang nangyari, binigyan ng Kongreso ang Executive branch ng authority to spend an amount even greater than hiningi ni Executive branch, it’s as simple as that, unconstitutional.”“Sir will you challenge that?” tanong ng isang reporter.“Supreme Court,” sagot ni Pimentel.Pero ang totoo, hindi kaso laban kay Romualdez ang ihahain at kalauna’y isinumite sa Korte Suprema ng grupong pinamumunuan ni Pimentel, kundi isang petisyon.Isinumite ang <a href="https://news.abs-cbn.com/news/2024/8/15/sc-asks-palace-congress-officials-to-comment-on-p20b-philhealth-funds-1621">petition for certiorari</a> noong Agosto 2, 2024 upang pormal na kwestyunin kung naaayon ba sa 1987 Philippine Constitution ang Section 1(d) ng XLIII ng General Appropriations Act 2024 at Department of Finance Circular 003-2023. Pinahihintulutan ng mga probisyong ito ang paglilipat ng sobrang pondo ng government-owned and controlled corporations (GOCC) sa unprogrammed appropriations.Ayon sa Department of Budget and Management (DBM), ang <a href="https://www.dbm.gov.ph/wp-content/uploads/2012/03/PGB-B6.pdf">unprogrammed appropriations</a> ay mga gastusin ng gobyerno na walang partikular na pinagmumulan ng pondo sa oras ng paghahanda ng budget ngunit maaaring mapondohan sa pamamagitan ng mga grant, pondo mula sa ibang bansa, o labis na kita ng gobyerno.Naka-address ang ngayo’y isa nang <a href="https://sc.judiciary.gov.ph/274778-275405/">consolidated petition</a> (<a href="https://sc.judiciary.gov.ph/wp-content/uploads/2024/08/Petition-274778.pdf">GR No. 274778</a> at <a href="https://sc.judiciary.gov.ph/wp-content/uploads/2024/10/Petition-in-Intervention.pdf">GR No. 275405</a>) laban sa kabuoan ng House of Representatives na nirerepresenta ni Romualdez bilang speaker. Kasama rin sa mga respondents ang Senado na nirerepresenta ni Senate President Francis Escudero, Department of Finance Secretary Ralph Recto, Executive Secretary Lucas Bersamin, at ang Philippine Health Insurance Corporation (PhilHealth).Ipinatitigil din ng nasabing petisyon ang paglilipat ng P89.9 bilyon na sobrang pondo ng PhilHealth, isang GOCC, para tustusan ang unprogrammed appropriations ng pamahalaan. Sa kasalukuyan, nasa P60 bilyon na ang nailipat na pondo—P20 bilyon noong Mayo, P10 bilyon noong Agosto, at P30 bilyon nitong Oktubre.Nakatakda sanang ilipat ang nalalabing P29.9 bilyon sa Nobyembre subalit ipinahinto ito ng Korte Suprema sa bisa ng <a href="https://news.abs-cbn.com/news/2024/10/29/sc-issues-tro-vs-philhealth-fund-transfer-to-treasury-1502">temporary restraining order</a> noong Oktubre 29, 2024.Sinabi rin sa TikTok post na nagbabala si Harry Roque na dapat pakinggan ang hinaing ng kasundaluhan tungkol sa isyu. Pero ang ginamit na video ni Roque ay tungkol sa public petition ng mga sundalo para sa pagpapalaya ng noo’y nakadetineng Sonshine Media Network International (SMNI) anchors na sina Lorraine Badoy at Jeffrey “Ka Eric” Celiz. Kuha ito sa programang <a href="https://youtu.be/8ybs-IJHlxI?t=2542">Pulso ng Bayan</a> ng SMNI noong Disyembre 13, 2023.Sa ngayon ay umabot na sa 50.2K views at 3.6K reactions ang TikTok post ni @magayontv1 na iniupload noong Oktubre 22, 2024. Kamakailan lamang ay <a href="https://www.tiktok.com/@abscbnnews/video/7431541363524652295?is_from_webapp=1&amp;sender_device=pc&amp;web_id=7421816136800470535">na-fact-check</a> na rin ng ABS-CBN ang hiwalay na post ng naturang TikTok user sa ilalim ng username na @jerylarnocomagayon.Unang lumabas sa YouTube channel na Bangon Pinas noong Disyembre 21, 2023 ang parehong video sa kasagsagan ng isyu tungkol sa pagtataas ng unprogrammed appropriations para sa 2024 national budget. Nakakuha na ng 36K views at 1.7K likes ang nasabing YouTube video.<div>Kung kayo’y may alam na kahina-hinalang social media page, group, account, o website,artikulo,larawan, o impormasyong ipinapakalat sa mga messaging app,maaring makipag-ugnayan sa aming email <a href="mailto:factcheck@abs-cbn.com">factcheck@abs-cbn.com</a> o X (datingTwitter) account <a href="https://twitter.com/abscbnfactcheck">@abscbnfactcheck</a>.</div>

Hindi naghain ng kaso si Senador Aquilino “Koko” Pimentel III laban kay House Speaker Martin Romualdez sa Korte Suprema dahil sa umano’y anomalya sa 2024 budget, taliwas sa video na ipinost sa TikTok.

Hindi naghain ng kaso si Senador Aquilino “Koko” Pimentel III laban kay House Speaker Martin Romualdez sa Korte Suprema dahil sa umano’y anomalya sa 2024 budget, taliwas sa video na ipinost sa TikTok.