Push Admin

Tinangay at saka isinangla ng isang bagong kasambahay ang P2.6 milyong halaga ng mga alahas ng kanyang amo sa San Juan City.

Article (news)

jail 

Karen De Guzman

ABS-CBN News

MAYNILA -- Tinangay at saka isinangla ng isang bagong kasambahay ang P2.6 milyong halaga ng mga alahas ng kanyang amo sa San Juan City.Kwento ng biktima na si alyas “Sylvia”, inirekomenda ng dati nilang kasambahay ang babae na nakilala online.Pero wala pang isang linggo, nagpaalam itong umalis para puntahan umano ang kapatid sa ospital.“Sabi niya, nadisgrasya ‘yung sister niya. Sabi niya she’s coming back right away. Pagkadala lang daw niya nung mga gamit, she’ll be back within a few hours kaya nagulat ako paano makakabalik, eh sobrang lakas talaga ng bagyo nun,” sabi ni Sylvia.Ilang araw ang nakalipas pero hindi na bumalik ang kasambahay.Dito na kinutuban si Sylvia at tiningnan ang cabinet kung saan nakatago ang kanyang mga alahas.Laking gulat niya dahil wala na rito ang mga mamahalin niyang singsing, hikaw, at mga bracelet na nagkakahalaga ng higit P2 milyon.“It’s been with me for more than 40 years. Bigay pa ‘yun ng mommy ko. I’m also blaming myself, bakit ngayon ko pa naano kasi mabait talaga siya e. You won’t even na magda-doubt ka sa kanya,” sabi ni Sylvia.Dumulog sa National Bureau of Investigation Special Task Force (STF) si Sylvia at doon napag-alaman na nakauwi na ng Tacloban, Leyte ang suspek.Pinuntahan siya ng mga operatiba at naaresto siya sa kanilang bahay noong Linggo.“Upon apprehension, ay galing sa gimikan itong ating suspect, together with her sister and some of her friends. Ni galos wala kaming nakita doon sa sinasabi niyang kapatid na na-ospital,” ayon kay John Erwin Marasigan, agent on case ng NBI STF.Narekober mula sa kanya ang mga I.D., dokumento mula sa isang pawnshop, at cellphone na sinasabing nakubra niya mula sa isinanglang mga alahas.“Allegedly, meron siyang kasabwat na isang in-laws niya na kinonfirm din naman ng complainant na ‘yung in-laws na ‘yun ay nakakapunta na sa kanila before,” ayon kay Marlon Marcelo, Executive Officer ng NBI-STF.“So talagang minanmanan lang sila. This is deliberately planned,” dagdag niya.Aminado ang suspek sa pagnanakaw pero iginiit na unang beses pa lang niya itong nagawa dahil sa hirap ng buhay.“Hindi ko naman po dapat ‘yun gagawin kasi mabait naman po ‘yung amo ko. Gusto ko man po ibalik sa kanya pero wala na po akong magagawa,” paliwanag ng suspek.Nagpaalala naman ang NBI sa mga naghahanap ng makakasama sa bahay.“Bago ho tayo mag-hire ng ating kasambahay, mag-conduct ho tayo ng malalim na background check man lang para malaman kung anong klaseng tao itong kinukuha natin,” payo ni Marcelo.“So pwede ho sigurong mag require kayo ng mga identification or manghingi kayo ng NBI clearance. At least, makikita natin kung ano ‘yung history niya,” dagdag niya.Nasa kustodiya na ng NBI ang suspek na nahaharap sa reklamong qualified theft.Iniimbestigahan na rin nila ang pagkakakilanlan ng mga posible nitong kasabwat at kung dati na silang may record.

Tinangay at saka isinangla ng isang bagong kasambahay ang P2.6 milyong halaga ng mga alahas ng kanyang amo sa San Juan City.

Kasambahay na nakilala online, tumangay ng P2.6-M alahas

News

Entertainment

Lifestyle

Sports

Metro.Style

More

Traffic

Manila

Horoscope

News

Kasambahay na nakilala online, tumangay ng P2.6-M alahas

Karen De Guzman,

ABS-CBN News

Published Nov 07, 2024 05:15 PM PHT

Read More:

NBI

kasambahay

theft

pagnanakaw

alahas

ABSNews

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.