Babae sa Peru inakusahan ng pagputol ng ari ng partner na natutulog

LIMA, Peru - Iniimbestigahan ng mga awtoridad ng Peru ngayong Martes ang isang babaeng inakusahan ng pagputol ng ari ng kanyang kinakasama gamit ang kutsilyo sa kusina habang ito ay natutulog.

Ayon sa mga report, nakipagtalo ang 39-anyos na babae sa kanyang kinakasama matapos itong umuwi na lasing, sa paniniwalang siya ay nagtaksil. Nangyari umano ang pagputol matapos makatulog ng lalake.

Nagkaroon ng "traumatic amputation" ang lalake, ayon sa isang medical source. Nabigyan siya ng medikal na pangangalaga at tatanggap ng psychiatric support.

"We are awaiting the results of the investigation to determine the motive and circumstances of the events," ani Darinka Lossio, isang piskal sa lungsod ng Chota sa Peru, sa panayam ng Agence France-Presse.

Sinabi ng piskal na nanatiling malaya ang babae, habang inaalagaan niya ang tatlong buwang gulang na sanggol ng mag-asawa.

Humihingi naman ng hustisya ang tiyuhin ng lalaki.

Ang pangyayari ay katulad ng kaso ni Lorena Bobbitt, isang babae na pinutol ang ari ng kanyang asawa matapos siyang halayin nito noong 1993.

cm-ljc/llu/fb/nro

Isinalin sa ulat ng Agence France-Presse