Push Admin

Nagbenta pa ang suspek ng kape sa isang kustomer para hindi mahalata na nagnanakaw siya sa loob ng tindahan, base sa kuwento ng mga testigo. 
 

Article (news)

Lalaking nagnakaw umano ng cellphone sa tindahan, nagbenta pa ng kape

Job Manahan

ABS-CBN News

MAYNILA — Arestado nitong Biyernes ng gabi ang isang 20-anyos na lalaki matapos manloob ng isang tindahan at magnakaw ng cellphone sa Tipas, Taguig City.Hagip sa CCTV, ang pagsilip ng suspek sa gate tanghali nitong Biyernes.Makikita rin kung paano niya inaalam na mabuksan ang gate mula sa loob. Matapos ang ilang segundo, nabuksan niya ito pero hindi muna pumasok nang mapansing may kustomer sa tindahan.  Nang makaalis ang kustomer, dito na siya pumasok sa bahay.  Natangay ng suspek ang cellphone na nagkakahalaga ng P6,000 at P500 na pera na nakuha niya mula sa isang bag sa loob ng tindahan.<div>NAHULI SA BONIFACIO GLOBAL CITY</div>Sabi ng Fort Bonifacio Police, dinala nila ang suspek sa kanilang istasyon nang i-park nito ang minamanehong motorsiklo sa isang puwesto kung saan bawal mag-park ang mga motorsiklo sa bahagi ng Bonifacio Global City.Nang hingan ng mga kaukulang dokumento, walang maipresenta ang suspek.  “Mayroon siyang initial violation, which is improvised plate. Nang hiningan ng identity, ng card, driver’s license, at mga documents, OR-CR ng motor, wala siyang maipakita,” ani Police Captain Rizalie Tadeo ng BGC Police.  “Upon background investigation, mayroon siyang mga previous na mga warrant, may mga kaso na carnapping, theft. Mayroon siyang other forms of trespass and illegal gambling,” dagdag ni Police Captain Tadeo.  Dito na rin napansin ng pulisya na hindi mabuksan ng suspek ang cellphone na gagamitin niya sana na pang tawag umano sa kanyang kamag-anak.Nagtugma rin ang pagkakakilanlan ng suspek sa CCTV base sa kanyang suot at kulay ng motorsiklo nang gawin ang krimen.  “Pagkasita sa kanya, napansin namin na hindi siya ‘yung wallpaper ng cellphone at hindi niya ma-open ang cellphone kaya doon namin nalaman na hindi kanya ‘yung cellphone. Nalaman namin na galing nga ito sa nakaw sa ibang lugar,” ani Police Captain Tadeo.  <div>NAGBENTA PA NG KAPE</div>Samantala, nagulat na lang ang may-ari ng tindahan na si Amy Naval pag-uwi niya ng alas-3 ng hapon na bukas na ang kanilang gate.Dito na siya nagtaka at hinanap agad ang cellphone sa bag ng kanyang asawa pero wala na ito.  “Sabi ko sa ate ko pa-view ‘yung CCTV baka pinasukan ‘yung tindahan. Tapos nakita namin na ‘yung lalaki huminto sa tindahan,” sabi niya. Dagdag ni Naval, nagbenta pa ang suspek ng kape sa isang kustomer para hindi mahalata na nagnanakaw siya sa loob ng tindahan, base sa kuwento ng mga testigo.  “Tinanong ko ‘yung lalaki ano ‘yung binili niya. Bibili pa raw siya ng kape tapos pinagbentahan niya. Sabi ko ‘kilala mo ba ‘yung nagbenta sa loob?’ sabi niya ‘hindi, akala ko kamag-anak niyo ‘yun,” aniya.  “Pagkapasok niya dun sa tindahan, may bumili. Binentahan na niya. Matagal pa nga siya lumabas. Marami na ngang pumuntang bibili, hindi na niya ito binentahan. Softdrinks ang bibilhin,” dagdag niya.  Depensa ng suspek, ginawa niya ang krimen dahil kinailangan niya ang pera para makauwi sa kanilang probinsya.  Nang tanungin paano niya nalaman na may mahalagang gamit sa tindahan, sabi niya, “nakita ko lang.”  “Humihingi ako ng pasensya at tawad. Hindi na po mauulit,” sabi ng suspek.  Hindi na narekober pa ang P500 cash pero narekober ng pulisya ang cellphone.Ayon sa pulisya, umamin naman agad ang lalaki sa krimen, na kakalabas lang sa kulungan nitong Feb. 12 dahil sa illegal gambling. Bukod dito, dati na siyang nasampahan ng mga kasong may kaugnayan sa carnapping, theft, illegal possession of bladed pointed or blunt weapons, at trespassing, dagdag ng pulisya.  Patuloy na iniimbestigahan ng pulisya kung sino ang may-ari ng motorsiklong minamaneho ng suspek na nahaharap sa reklamong theft.<div> </div>

Nagbenta pa ang suspek ng kape sa isang kustomer para hindi mahalata na nagnanakaw siya sa loob ng tindahan, base sa kuwento ng mga testigo.

Nagbenta pa ang suspek ng kape sa isang kustomer para hindi mahalata na nagnanakaw siya sa loob ng tindahan, base sa kuwento ng mga testigo.