Push Admin

Sanggol, tinangay sa Ermita, Manila; nanay humingi ng saklolo

Humingi ng saklolo nitong Biyernes ng gabi si Alpha Mercado matapos umanong tangayin ng isang babae ang kanyang 7-buwang-gulang na anak sa Ermita, Manila.

Article (news)

Job Manahan

ABS-CBN News

MAYNILA — Humingi ng saklolo nitong Biyernes ng gabi si Alpha Mercado matapos umanong tangayin ng isang babae ang kanyang 7-buwang-gulang na anak sa Ermita, Manila.Makikita sa kuha ng CCTV na ibinahagi ng Ermita Police Station ang pagdaan ng babae sa M.H. Del Pilar Street bitbit umano ang sanggol.Bago ito, kinumpirma ni Mercado ang screenshots mula sa kuha ng isa pang CCTV na anak niya ang bitbit ng babae na pumasok pa sa convenience store para bumili ng biskwit para sa sanggol.Kuwento niya, iniwan niya ang kanyang sanggol sa kanyang ama dahil kinakailangan niyang magtrabaho.Bandang 2:30 ng hapon, tumawag ang isa niyang anak at sinabing nawawala ang kanyang bunso. Nakumpirma niya ito nang umuwi.<div><a href="https://news.abs-cbn.com/news/2024/2/17/34-pamilya-apektado-sa-sunog-sa-pasay-city-800" rel="noopener noreferrer" target="_blank">34 pamilya apektado sa sunog sa Pasay; halos P500-K ng ari-arian natupok</a></div><div>PINAHAWAK ANG SANGGOL PARA MAG-CR</div>Hindi pa nakakausap ng ginang ang kanyang ama pero ang kuwento ng mga nakakita namasyal sa isang park sa Ermita ang kanyang ama bitbit ang sanggol.Naka-kuwentuhan ng ama niya ang babae at posibleng nakapalagayan niya ng loob.Pinakarga pa umano sa babae ang kanyang sanggol at nagpa-alam ang kanyang ama na pumunta ng CR.“Pinahawak po sa kanya ng tatay ko... Pagbalik niya galing sa may CR, wala na ‘yung babae. Tapos may nakakita na dumaan sa M.H. Del Pilar tapos nasundan namin sa CCTV, hanggang Mabini lang. Wala na kaming makuhang footage,” aniya.“Dala-dala na ‘yung bata. After noon, nag-alala na ‘yung pamilya,” sabi ni PLtCol. Wilfredo Fabros, Jr., hepe ng Ermita Police Station.<div><a href="https://news.abs-cbn.com/news/2024/2/17/sunog-sa-3-bahay-sa-qc-p7-m-ang-pinsala-824" rel="noopener noreferrer" target="_blank">Sunog sa 3 bahay sa QC, P7-M ang pinsala</a></div><div>SINABIHAN DAW NA PINAPA-AMPON ANG BATA </div>Kinagabihan, nag-post sa social media ang kaanak ni Mercado para humingi ng tulong na maibalik ang sanggol.“Kung ano-ano na rin ang pumasok sa isip ko. Nag-aalala na rin ako, sir, hindi ko pinapabayaan ang anak ko. Kahit anong trabaho diyan pinapasok ko may mabili lang ako sa kanilang gatas, lalo na ‘yung sa baby ko,” sabi ni Mercado.Dahil dito gumamit umano ng dummy account ang babae at nakipag-chat sa kaanak ni Mercado.Pinatunayan nitong siya ang may hawak ng sanggol matapos magpadala ng mga larawan ng sanggol.“Sinasabi pa ng babaeng nakakuha sa anak ko, pinapaampon ko raw ang anak ko. Sabi ko paano ko pinapaampon? Kung pinapaampon ko ‘yan, hindi ko na kailangan iwan sa tatay ko, ‘yun daw ang kuwento ng tatay ko sa kanya,” dagdag niya.“Kung takot ka man, nag-aalangan ka sa akin, i-surrender mo na lang. Ang akin lang, gusto ko makita ang anak ko bago mag-umaga,” dagdag niya.Dahil unti-unti nang nag-viral sa social media ang post para mahanap ang sanggol, sabi ni Mercado natakot na umano ang babae at pumunta sa isang probinsya sa norte malapit sa Metro Manila.Nangako si PLtCol. Wilfredo Fabros, Jr., hepe ng Ermita Police Station sa ginang na tututukan ang kaso para maibalik ang sanggol.Tinitingnan na ng pulisya ang anggulong abduction.“Kung ano ‘yung mga CCTV sa area, iba-backtrack natin ‘yan para mayroon pa tayong maraming lead at mas malinaw na picture ng babae,” ani ng hepe.Pinag-aaralan pa ang reklamong isasampa sa babae at sa mga posibleng kasabwat niya.Mensahe ni Mercado sa babae, “Maaawa ka naman sa akin. Nanay ka rin siguro. Gusto ko na makita ang anak ko, nag-aalala na ako. Kanina pa ako ikot nang ikot. Maramdaman mo sana ang nararamdaman ko.”

Humingi ng saklolo nitong Biyernes ng gabi si Alpha Mercado matapos umanong tangayin ng isang babae ang kanyang 7-buwang-gulang na anak sa Ermita, Manila.