MAYNILA — Puwedeng mag-file ng leave sa trabaho ang isang empleyadong brokenhearted sa kaniyang crush, ayon sa panukalang batas ni Cagayan de Oro Rep. Lordan Suan.

Sa panayam sa TeleRadyo Serbisyo, sinabi ni Suan na maaari ding mag-leave sa trabaho sa ilalim ng kaniyang panukalang batas ang mga empleyadong heartbroken sa taong hindi siya gusto pabalik.

"It's up to the person. It's up to the employee applying for the leave kung para sa kaniya heartbroken talaga siya. Kahit may crush lang siya, tapos hindi siya 'yung nagustuhan ganun eh hindi natin ma-measure 'yung emotional depth na nafi-feel ng tao," ani Suan.

Love problems among top concerns at crisis hotline; NCMH shares self-care tips

Pangunahing layunin ng House Bill 9931 ni Suan na payagang mag-apply ng leave ang isang empleyadong heartbroken mula sa breakup. 

"'Yung main goal kasi natin dito is to make them more productive in work kasi pag heartbroken ka kahit crush lang naman pero masakit pa rin 'yung damdamin niyo e same effect pa rin iyon, less productivity, less focus," sabi ni Suan.

Can you die from a broken heart? Here's what DOH says

Puwedeng mag-leave nang maximum na 1 araw kada taon ang mga brokenhearted edad 25 pababa, 2 araw naman sa mga 25 hanggang 35 anyos, at 3 araw para sa mga edad 35 pataas, ayon sa panukala ni Suan.

Unpaid leave ang panukala ni Suan para hindi aniya ganoon kabigat para sa employers. "Medyo marami" na aniya kasing paid leaves kada taon para sa mga empleyado.

DOLE: P100 wage hike equals uptick in employee costs

"We also have to balance the interest of the employers and the employees so magiging prone to abuse especially kung paid leave," aniya.

"'Yung requirement lang natin is for them, for the employees, to sign a written statement na sabihin lang niya na galing ako ng heartbreak o nakipaghiwalay ako sa jowa ko, ganoon lang."

Lawmaker proposes 'heartbreak leave'