Push Admin

Sanggol na tinangay sa Maynila naibalik na sa ina

Article (news)

Job Manahan

ABS-CBN News

<p>MAYNILA — Naibalik na sa kanyang ina nitong Linggo ng madaling-araw ang 7-buwang gulang na sanggol na napaulat na tinangay ng isang babae sa Ermita, Maynila nitong Biyernes.</p><p>Tila nabunutan ng tinik si Alpha Mercado nang kusang-loob na ibinalik ng babae ang kanyang anak sa LRT Baclaran Station lagpas alas-12 ng madaling-araw. Kasama ni Mercado ang pulisya nang ibalik ang kanyang anak.</p><div><a href="https://news.abs-cbn.com/news/2024/2/17/sanggol-tinangay-sa-maynila-2107" rel="noopener noreferrer" target="_blank">Sanggol tinangay sa Maynila</a></div><div><a href="https://news.abs-cbn.com/news/2024/2/17/sanggol-tinangay-sa-ermita-manila-nanay-humingi-ng-saklolo-941">Sanggol, tinangay sa Ermita, Manila; nanay humingi ng saklolo</a></div><p>Ligtas ang sanggol at malusog nang ibalik sa kanya. Dahil dito, wala na siyang planong magsampa ng kaso laban sa babae.</p><p>“Natutuwa lang ako kasi andito na ‘yung baby ko. Ang importante lang sa akin ay mahanap ko siya at nasa maayos siyang kondisyon. Wala naman akong plano na magsampa ng kaso doon sa babae. Sinurrender naman kasi niya nang maayos,” sabi ni Mercado.</p><p>“Sobrang saya ko. Nakita ko siya nang buong-buo, humihingi ako ng pasensya sa kanya. Kung siya ay na-bash. Ako rin. Pareho lang naman tayo,” dagdag niya.</p><p>“Parang nawawalan ako ng pag-asa kagabi pa, hindi ko naman magawang matulog, Nag-message (siya) sa hipag ko,” aniya.</p><div><ivs-player data-ivs-key="e8c22c015ca9eafa76f1e3edfa03c603" data-ivs-spid="3001339" data-ivs-vid="2963826"></ivs-player> <script src="https://player.ivideosmart.com/ivsplayer/v4/dist/js/loader.js"></script></div><p>Depensa ng babaeng tumangay at nagbalik sa sanggol, wala umano siyang intensyon na saktan ito at gusto lang niya tumulong sa pamilya.</p><p>“Andoon si tatay, bitbit niya yung baby, umiiyak, e di ang nangyari tinawag ako ng tatay, sabi ‘iyo na nga itong bata kasi hirap na hirap na ako magbantay niyan,’ ako naman naaawa. Naawa din ako, kinuha ko ‘yung bata, pagbukas ko ng diaper niya ang daming rashes. Wala man lang wipes, walang tissue. Walang tubig,” sabi ng babae.</p><p>“Noong mga ala-una, antok na antok na ako at gutom na ako. Hindi pa kasi ako kumakain. Ang sabi ko, nagpaalam ako kay tatay, sabi ko ‘tay, uwi na po ako.’ Bibili ako ng pagkain tapos uuwi na ako sa bahay, ang nangyari sinigawan niya ako ‘dalhin mo na ‘yang bata,’” dagdag niya.</p><div> </div><div><span class="fr-video fr-deletable fr-fvc fr-dvb fr-draggable" contenteditable="false" draggable="true"><iframe allowfullscreen="" class="fr-draggable" frameBorder="0" height="360" src="https://www.youtube.com/embed/hIuOEfXMWk4?&amp;wmode=opaque&amp;rel=0" width="640"></iframe></span></div><p>Kuwento pa niya, natakot siya para sa kanyang buhay dahil marami ang nagalit sa kanya nang mag-post ang kaanak ng sanggol sa social media.<br/> <br/>“Ibabalik ko naman talaga. Hindi naman sa akin ‘yan. May sarili akong pamilya, kinausap ko na rin ang asawa ko ‘hindi atin ‘yan. Ibabalik talaga natin. Kung walang magko-complain, ibabalik natin sa DSWD talaga,” aniya.</p><p>Hindi pa umano maayos ang pag-uusap ni Mercado at kanyang ama dahil sa nangyari.</p><p>Sabi ni PMaj. Joemar Mukarram, hepe ng Ermita Police Substation, J. Bacobo at team leader ng paghahanap sa sanggol, nakatulong ang patuloy ng interaksyon ng babae sa pamilya hanggang sa nag-desisyon na silang dalawa na magkita.</p><p>“With continuous conversation, pakikipag-usap na isasauli na, nagtanong sila ano kailangan para maisoli lang, around mga 6 p.m., nag-decide itong kumuha ng bata na isu-surrender na ang bata,” sabi ni Mukarram.</p><p>“After that inimbitahan natin sila dito, para sa proper documentation. Kasi si nanay ang magsasampa ng reklamo against doon sa kumuha kasi ewan ko kung may pinag-usapan sila o ano basta hindi na raw siya magtutuloy ng reklamo. Basta for proper documentation lang,” dagdag niya.</p><p>Nagpaalala naman ang Ermita Police Station sa mga magulang kaugnay sa mga ganitong insidente.</p><p>“Yung mga anak natin ingatan natin. Huwag tayo magtitiwala kahit kanino dahil sa kaunting panahon, sa panahon ngayon hindi natin masabi na baka mapahamak ang mga anak natin. Hindi natin alam baka may masamang tao, huwag tayong magtitiwala sa mga estranghero,” sabi ni PLtCol. Wilfredo Fabros, Jr., hepe ng Ermita Police Station.</p>

<p>Naibalik na sa kanyang ina nitong Linggo ng madaling-araw ang 7-buwang gulang na sanggol na napaulat na tinangay ng isang babae sa Ermita, Maynila.</p>

Naibalik na sa kanyang ina nitong Linggo ng madaling-araw ang 7-buwang gulang na sanggol na napaulat na tinangay ng isang babae sa Ermita, Maynila.