Push Admin

Dahil sa pautang: 2 Indian national nanutok ng baril sa kapwa Indian

Article (news)

Karen De Guzman

ABS-CBN News

Arestado ang dalawang Indian nationals makaraang manutok ng baril sa kapwa Indian national sa Baseco Compound sa Maynila noong Lunes. Base sa salaysay ng biktima sa pulisya, nagkaroon sila ng alitan dahil sa pautang. &quot;Meron ho silang awayan dahil parang rivalry po sa mga pautang and dumating po sa punto na nagdala siya ng baril. Nakikita naman po natin kung anong motibo ang gusto niyang gawin,&quot; ayon kay PLtCol. Emmanuel Gomez, station commander ng Baseco Police Station.Matapos ang insidente, hinabol ng dalawang Indian national sakay ng motorsiklo ang biktima kung saan namataan sila ng mga tauhan ng Tactical Motorcycle Riding Units (TMRU) ng Manila Police District (MPD). &quot;Galing ho sila ng Delpan at sinusundan ho sila ng dalawang suspek. ‘Yung pagbaba nila ng tulay ng Delpan, kumanan sila papasok ng Baseco. Nakita na ho nila na hindi sila tinatantanan ng paghabol,&quot; sabi ni PLtCol. Gomez. Tumulong sa pagpigil ang iba pang Indian national sa lugar na nagresulta sa pagkakahuli ng dalawang suspek. Narekober ang isang .45 calibre na kargado ng bala sa posesyon ng mga suspek.Ikinabahala naman ng pulisya ang mga gamit na nakita sa kanilang motorsiklo. &quot;Nung tiningnan po natin ‘yung kanilang motor, binuksan natin, nakakita tayo ng iba’t ibang jacket, pantalon, face masks, other personal belongings ho nung tao,&quot; sabi ni PLtCol. Gomez.&quot;At ang nakakagulat, itong isang suspek ay pinakita ho samin, he can manage to start ‘yung mga high tech na motorcycle ngayon with digital codes,&quot; dagdag ni PLtCol. Gomez.Napag-alaman na may nakabinbin na warrant of arrest para sa kasong carnapping ang isa sa mga suspek. &quot;Na-coordinate na po ng GAIS sa anti-carnapping unit natin sa headquarters. ‘Yun pong baril, nagkaroon na po ng cross matching to be able for us to know if the piston was also used in other crimes,&quot; ani Gomez.Itinurnover naman ang dalawang dayuhan sa General Assignment and Investigation Section (GAIS) ng MPD para sa kustodiya ng mga ito.&quot;We immediately coordinated with our regional office sa FLD because both foreign nationals itong involved and the suspect together with the pieces of evidence were properly turned over to our GAIS.&quot;&quot;Aalamin po natin kung ano ang magiging disposition ng General Assigment section sa mga suspek na nahuli ho natin.&quot;Tumanggi nang magbigay ng pahayag ang mga suspek na nahaharap sa reklamong paglabag sa Comprehensive Firearms and Ammunitions Law.

Arestado ang dalawang Indian nationals makaraang manutok ng baril sa kapwa Indian national sa Baseco Compound sa Maynila noong Lunes.

Arestado ang dalawang Indian nationals makaraang manutok ng baril sa kapwa Indian national sa Baseco Compound sa Maynila noong Lunes.