Push Admin

Sapul sa CCTV: Lalaki patay sa pananaksak sa Baseco Compound

Article (news)

Karen De Guzman

ABS-CBN News

Sapul sa CCTV ang pananaksak sa isang lalaki sa Baseco Compound sa Maynila nitong Biyernes ng gabi. Sa ulat ng Baseco Police Station, nakita na magkasama ang dalawa sa basketball court ng barangay, kung saan tila may kinukuha ang suspek mula sa biktima. “Nakita natin na parang may tube doon na ginagamit sa ipinagbabawal na droga. Dumating sa pagkakataon na itong suspek hinawakan ‘yung biktima at makailang ulit na pinagsasaksak ‘yung tao,” ayon kay PLtCol. Emmanuel Gomez, hepe ng Baseco Police Station. Dead on the spot ang biktima matapos magtamo ng mga tama ng saksak sa iba-ibang bahagi ng katawan. Sa tulong ng CCTV, agad natunton ang suspek na naaktuhan pa ng pulisya na naghuhugas ng dugo sa kanyang mga kamay. Narekober din ang patalim na ginamit sa krimen. Sa imbestigasyon, napag-alaman na kalalaya pa lamang nito sa bilangguan at nasangkot sa iba-ibang kaso. &quot;Kilala na notorious sa lugar at nai-involve sa iba’t ibang uri ng krimen. Makailang beses na rin nakulong sa salang pagbebenta po ng solvent, pangho-holdap, pag-iingat ng baril kaya ho ang suspek natin ay kalalaya lang sa bilangguan,&quot; sabi ni PLtCol. Gomez. Depensa naman ng suspek, naalimpungatan siya dahil sa ingay ng biktima at sa katransaksyon umano nito sa ilegal na droga. &quot;Maingay po sila sa labas. Kagigising ko lang po, parang nawala po ako sa sarili ko. Parang nalaban po sa akin, kaya nag anuhan kami,&quot; sabi ng suspek. &quot;Kumukuha po ng droga. Nagbabangayan po sila ng kinukuhanan ng droga,&quot; dagdag ng suspek. Itinanggi rin nito na sa kanya ang nakuhang drug paraphernalia, pero inamin na isang linggo pa lang siyang nakakalabas sa kulungan. Hawak na ng Homicide Section ng Manila Police District ang suspek na mahaharap sa reklamong murder.

Sapul sa CCTV ang pananaksak sa isang lalaki sa Baseco Compound sa Maynila nitong Biyernes ng gabi.

Sapul sa CCTV ang pananaksak sa isang lalaki sa Baseco Compound sa Maynila nitong Biyernes ng gabi.