PANOORIN: Small-clawed sea otters, namataan sa Tawi-Tawi

Kinagiliwan ng netizens ang video kung saan makikita ang mga bihirang small-clawed sea otters sa may pantalan sa Barangay Taganak sa bayan ng Turtle Islands sa Tawi-Tawi nitong Biyernes.

Ayon sa kumuha ng video na si Rodney Gumahad, miyembro ng Philippine Coast Guard, naaliw siya nang unang beses makakita ng mga sea otter at lumapit pa sa kanya.

RELATED: 296 flora, fauna species in Mindanao mountain ranges threatened by human activities

Ayon sa Turtle Islands local government, magandang balita ito sa kanila, pero kaakibat din ang malaking responsibilidad na pangalagaan ang mga vulnerable species.

Taong 2020 nang una umanong namataan ang mga sea otter o sea dogs sa lugar, na pinaniniwalaang galing pa sa katabing bansa sa Sirawak, Malaysia.

Gumagawa na rin ng hakbang ang municipal environment and natural resources office para mapreserba at mapangalagaan ang mga naturang marine species.

Ang Turtle Islands municipality ay pinagpala rin hindi lamang ng magagandang beach kundi pati na rin ng green sea turtles.

READ: California surfers terrorized by board-stealing sea otter