Push Admin

Hindi totoong bibigyan ng P10,000 cash aid ang lahat ng senior citizen na mayroong “senior ID."

Article (news)

FACT CHECK: Walang P10,000 para sa mga senior citizen na mayroong senior ID

ABS-CBN Investigative and Research Group

<div><img src="https://od2-image-api.abs-cbn.com/prod/editorImage/copy-factcheck_senior-cash-gift.jpg" style="width:9500px" class="fr-fic fr-dib" alt="Hindi totoong bibigyan ng P10,000 cash aid ang lahat ng senior citizen na mayroong “senior ID."/></div><p>Hindi totoong bibigyan ng P10,000 ang lahat ng senior citizen na mayroong “senior ID,” taliwas sa pahayag sa thumbnail image ng video na ipinost sa YouTube channel na “Balitang Pinas.”</p><p>Sabi sa pahayag: “BASTA MAY SENIORS ID P10,000 CASH GIFT BAGONG PROGRAMA NI BBM P10K CASH GIFT FOR SENIORS.”</p><p>Hindi nabanggit sa video ang tungkol sa diumano’y cash gift. Ang tanging napag-usapan sa video ay ang mga panukala para sa mga senior citizen, tulad ng pag-amyenda sa Republic Act No. 10868 o ang “Centenarians Act of 2016.”</p><p>Ginamit sa video ang ilang audio sa interview ni National Commission of Senior Citizens (NCSC) Commissioner Reymar Mansilungan sa radio show na Para sa Masa ng <a href="https://www.facebook.com/NCSC.Philippines.OfficialPage/videos/913857183659637" rel="noopener noreferrer" target="_blank">Radyo Pilipinas</a> noong Pebrero 10, 2024. </p><p>Ayon sa <a href="https://lawlibrary.chanrobles.com/index.php?option=com_content&amp;view=article&amp;id=86348:67909&amp;catid=2181&amp;Itemid=738" rel="noopener noreferrer" target="_blank">Centenarians Act</a>, lahat ng Pilipinong may edad 100 o pataas ay makatatanggap ng P100,000 na cash gift.</p><p>Nito lamang Pebrero 26, 2024, nilagdaan ni Pangulong Ferdinand Marcos Jr. ang <a href="https://www.officialgazette.gov.ph/2024/02/26/republic-act-no-11982/" rel="noopener noreferrer" target="_blank">Republic Act No. 11982</a>, isang panukalang batas na nagpapalawak sa saklaw ng Centenarians Act. Ang batas na ito ay nagbibigay ng P10,000 cash gift sa mga Pilipinong umaabot sa 80, 85, 90 at 95 taong gulang.</p><div><a href="https://news.abs-cbn.com/news/2024/2/26/marcos-signs-tatak-pinoy-act-expanded-centenarians-benefits-into-law-1208" rel="noopener noreferrer" target="_blank">Marcos signs Tatak Pinoy Act, expanded centenarians benefits into law</a></div><p>Sa isang pahayag na ipinadala sa ABS-CBN News, itinanggi ng Department of Social Welfare and Development (DSWD) na mayroon silang ayuda na P10,000 para sa lahat ng senior citizen na may senior ID.</p><p>Isa sa mga programang kasalukuyang pinangangasiwaan ng ahensiya ay ang benepisyong ibinibigay sa mga senior citizen sa ilalim ng Centenarians Act.</p><p>Isa rin sa programa ng DSWD ang Social Pension Program for Indigent Senior Citizens. Ito ay karagdagang tulong pinansiyal ng gobyerno na ipinag-uutos sa ilalim ng “The Expanded Senior Citizens Act of 2010.” Ayon sa batas, ang mga nangangailangang senior citizen ay makatatanggap ng stipend na P1,000 kada buwan.</p><p>“While awaiting the full transfer to the NCSC, the DSWD continues to provide the monthly social pension stipend of P1,000,” paliwanag ng DSWD.</p><p>Ang mga nangangailangang senior citizen ay maaari ring lumapit para sa mga serbisyo ng <a href="https://aics.dswd.gov.ph/cash-assistance-for-other-support-services/" rel="noopener noreferrer" target="_blank">Assistance to Individuals in Crisis Situation (AICS)</a> program ng DSWD.</p><p>Panawagan ng DSWD na huwag basta-basta maniniwala sa mga impormasyon na nakikita online. Dagdag pa nila, kumuha lamang ng mga impormasyon mula sa kanilang lehitimong website at social media account na may handle na @dswdserves.</p><p>Sa huling tala ng ABS-CBN Fact Check, mayroon nang mahigit 31,000 views ang nasabing video. Ang YouTube Channel na “Balitang Pinas” ay ginawa noong November 20, 2019 at mayroon nang mahigit 630k subscribers.</p><div><strong><em> -</em></strong><em></em><span style="white-space:pre"><em><strong>    </strong></em></span><strong><em>with research from Jose Gabriel Saulog, ABS-CBN Investigative and Research Group Intern</em></strong></div><div><br/></div><div><br/></div><div><br/></div>

<p>Hindi totoong bibigyan ng P10,000 ang lahat ng senior citizen na mayroong “senior ID,” taliwas sa pahayag sa thumbnail image ng video na ipinost sa YouTube channel na “Balitang Pinas.”</p>

Hindi totoong bibigyan ng P10,000 ang lahat ng senior citizen na mayroong “senior ID,” taliwas sa pahayag sa thumbnail image ng video na ipinost sa YouTube channel na “Balitang Pinas.”