Push Admin

Article (news)

Makati Park

Job Manahan

ABS-CBN News

Hindi na nakapagpigil pa ang mga miyembro ng volunteer group na “Defend Makati” na magbigay ng pahayag laban sa ilang kawani umano ng Taguig Traffic Management Office o TMO matapos ang standoff sa Makati Park nitong Biyernes. Hagip sa cellphone video ang tensyonadong pagpapaalis ng mga volunteer group sa tauhan ng TMO matapos umano sinubukang pasukin ang Makati Park, na pag-aari pa rin umano ng Makati local government sa kabila ng desisyon ng Korte Suprema noong isang taonMakikita rin sa video ni Elinor Formaran na binuhusan pa siya ng tubig ng isang lalaki na tauhan umano ng TMO matapos ang sagutan. “Nagtatanong ako kung vlogger ka, kasi kung vlogger ka, bitbitin ka namin. Anong pangalan mo?” sabi ng lalaki sa video.<div><a href="https://news.abs-cbn.com/news/2024/3/1/land-dispute-sparks-standoff-between-makati-taguig-personnel-1704" rel="noopener noreferrer" target="_blank">Land dispute sparks standoff between Makati, Taguig personnel</a> <a href="https://news.abs-cbn.com/news/2024/3/1/land-dispute-sparks-standoff-between-makati-taguig-personnel-1704" id="isPasted"></a></div>“Karapatan namin mag-live sir,” sabi ni Formaran. Dito na inawat ang dalawa ng mga tauhan ng TMO at iba pang volunteer, kung saan pumalag si Formaran. “Ma’am, sir, binuhusan ako ng tubig. Kanina inambahan ako ng bote ng tubig, nagla-live lang ako.” Sa isa pang video makikita ang pagpapaalis ng mga security guard ng Makati Park at ng ilang residente sa mga miyembro ng TMO na nakapasok sa lugar lagpas alas-10 ng gabi, na napuno rin ng tensyon. Sabi ni Formaran, nagla-live lang umano siya matapos makarinig ng komosyon. “Binuhusan niya ako ng tubig, wala akong ginagawa. Nag-live lang ako, kinuha niya ang pangalan ko, hindi ko binigay, tinatanong niya kung vlogger ako. Hindi ako vlogger, yung bote, ginanun niya sa akin kaya parang nawala yung live ko onti,” aniya. Ayon naman kay Melissa Cuadra, kaya namang daanin sa maayos na usapan ang nangyari. Importante rin aniya na mapanatiling nasa lokal na gobyerno ng Makati ang naturang park dahil malaking bagay ito sa mga estudyante ng University of Makati, na nasa harapan lang. “Gusto nila kuhanin ang Makati Park. Papaano kung gagawin nilang impounding ito? Hindi ba nila alam na park ito, hindi impounding ng sasakyan? &#x27;Yun ang pinaglalaban namin dito. Puwede namang daanIn sa maayos na usapan. Huwag lang sanang magkakasakitan,” ani Cuadra. <div>MAXIMUM TOLERANCE </div>Sa isang pahayag, kinundena ng Makati LGU ang umano’y “land-grabbing” na ginawa ng Taguig sa pagpapapasok nila ng kanilang kawani sa Makati Park. Dagdag nito, dapat nakatuon ang atensyon ng lokal na gobyerno sa pangangailangan ng mga residente nito. “Taguig has once again proven that it is bent on grabbing property. Gusto nilang magpasasa sa mga ipinundar ng pamahalaang lungsod ng Makati gamit ang buwis ng mamamayan ng Makati,” ayon sa pahayag. “If only Taguig would display the same zeal in improving their services to their constituents. Reklamo ng mga taga EMBO na kulang-kulang ang health services at benefits at hindi maayos ang sistema ng pagtulong sa mga may sakit at senior citizens,” dagdag nito. Patuloy na sinusubukan ng ABS-CBN News na kunan ng pahayag ang Taguig LGU kaugnay sa insidente, pero hindi pa ito nagbibigay tugon sa oras na ito. Tikom naman ang bibig ng mga kawani ng TMO tungkol sa insidente. Kinunan din ng ABS-CBN News ng pahayag ang kanilang opisina sa nangyari sa pamamagitan ng tawag sa telepono pero tumanggi ito. Para maiwasan na ang pagpasok ng mga tauhan ng TMO sa loob ng Makati Park, naglagay ng barikada ang mga security guard at hinarangan ang main entrance nito. Nasa isang daan ang mga security guard na nagkalat sa 6 na entrance ng naturang parke. Nagkampo rin ang mga miyembro ng “Defend Makati” para masigurong hindi na mauulit pa ang insidente, habang nasa isang gilid naman ang mga tauhan ng Taguig TMO. Samantala, sinabi ni PLt. Jerson Castillo, deputy commander ng West Rembo Police Substation, na magpapatupad sila ng maximum tolerance sa mga ganitong insidente. “Nagkaroon lang siguro sila ng misunderstanding at siguro nadala lang din siguro ng init ng ulo nila. Simula kanina pang umaga ‘yan eh, buti nga ngayong gabi medyo peaceful, peaceful na,” ani PLt. Castillo. “Kami wala naman kaming pinapanigan. Bale nasa gitna kami. Kaming nakakasakop dito, tinatambayan namin ang post dito ng pulis. Karagdagang security din. Pati yung Makati, nagbigay ng dalawang pulis nila,” dagdag niya. Nagpaalala si PLt. Castillo na dapat manaig ang respeto at iwasan ang pagiging mainitin ang ulo sa ganitong insidente.

Hindi na nakapagpigil pa ang mga miyembro ng volunteer group na “Defend Makati” na magbigay ng pahayag laban sa ilang kawani umano ng Taguig Traffic Management Office o TMO matapos ang standoff sa Makati Park nitong Biyernes.

Hindi na nakapagpigil pa ang mga miyembro ng volunteer group na “Defend Makati” na magbigay ng pahayag laban sa ilang kawani umano ng Taguig Traffic Management Office o TMO matapos ang standoff sa Makati Park nitong Biyernes.

Ilang residente, nagkampo sa Makati Park matapos ang tensiyon vs ilang kawani ng Taguig

News

Entertainment

Lifestyle

Sports

Metro.Style

More

Traffic

Manila

Horoscope

News

Ilang residente, nagkampo sa Makati Park matapos ang tensiyon vs ilang kawani ng Taguig

Job Manahan,

ABS-CBN News

Published Mar 02, 2024 09:13 AM PHT

|

Updated Mar 02, 2024 12:43 PM PHT

Read More:

Makati

Taguig

standoff

Barikada

Defend Makati

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.