Push Admin

600 pamilya nawalan ng tirahan sa sunog sa Aroma, Tondo

Article (news)

Karen De Guzman

ABS-CBN News

Nilamon ng apoy ang apat na gusali sa Aroma Temporary Housing sa Barangay 105, Tondo, Maynila pasado alas-10 ng gabi nitong Huwebes.Kwento ng residente na si Fernando Sebil, nagising sila na malaki na ang apoy na umabot sa kanilang bahay.“Nagpa-panic na ‘yung mga tao, ‘yung bumbero halos hindi makapasok. Kahit anong daming hose, hindi kakayanin sa sobrang laki ng apoy,” sabi ni Sebil.Sa kasagsagan ng sunog, nabasag ang windshield ng fire truck ng isang fire volunteer group, matapos hampasin ng isang residente habang nirerespondehan ang sunog.Problemado ang grupo kung papaano nila ipapagawa ang nasirang bahagi ng fire truck.“Ang akala siguro naiwan ‘yung anak sa loob, humihingi ng tulong dito so syempre busy kaming lahat. Ang ginawa, hinampas,” sabi ni Ronnie Ornopia, Fire Chief ng BASM Fire Rescue Volunteer.“Ginagawa namin ‘yung trabaho namin para makatulong sa kapwa namin, ito pa ‘yung isusukli. Tandaan lang sana ninyo, wala kaming bayad dito. Sana po bigyan po natin ng halaga ‘yung mga fire volunteer,&quot; dagdag ni Ornopia.Ninakawan naman ang residente na si Ginalyn Capito habang naglilikas ng mga gamit.“Nasunugan na nga po kami, kapwa-kapwa lang po kami dito, nagnanakawan pa. Nawalan po kasi kami dito ng timba e na may laman na pera at saka titulo po ng lupa,” daing ni Capito.Sa ulat ng Bureau of Fire Protection, nagsimula ang sunog sa Building 29 na kumalat hanggang sa Building 32, kaya umabot sa ikalimang alarma ang sunog.“Mahirap ‘yung water, mahina kaya medyo natagalan. Kaya tinaas din ‘yung alarma para madagdagan din ‘yung source ng warer natin,” ayon kay FSInsp. Mark Anthony Marquez, hepe ng Intelligence and Investigation Section, BFP Manila.‘Yung area natin dito according to the testimony ng mga nakatira dun is puro mga basura kaya mabilis ‘yung pagkalat ng sunog natin,” dagdag ni FSInsp. Marquez.Nasa 600 pamilya ang nawalan ng tirahan habang nasa 200 bahay ang nasunog.Aabot sa P6.5 milyon ang halaga ng napinsalang ari-arian, ayon sa BFP.Pasado alas-5 ng madaling araw ngayong Biyernes naapula ang apoy.Dalawa ang naitalang nasugatan na fire volunteer ng BFP. Wala namang naiulat na nasawi sa insidente.Siksikan ang mga nasunugan sa covered court ng barangay na nagsisilbing evacuation center.Ang ilan sa kanila ay pinili na manatili sa labas ng naturang covered court.“Sa Happyland, meron po kaming dalawang court doon pero nung nakaraang December 12, 2023, nandun pa po ‘yung ibang nasunugan nung time na ‘yun. Hindi pa po tapos ‘yung kanilang bahay,” paliwanag ni Punong Barangay Elenita Reyes ng Barangay 105, Tondo, Manila. Nananawagan ang barangay na mabigyan sila ng tulong para mailipat ang mga nasunugan sa mas maayos na lugar.

Nasa 600 pamilya ang nawalan ng tirahan dahil sa sunog sa Aroma Temporary Housing sa Barangay 105, Tondo, Maynila pasado alas-10 ng gabi nitong Huwebes.

Nasa 600 pamilya ang nawalan ng tirahan dahil sa sunog sa Aroma Temporary Housing sa Barangay 105, Tondo, Maynila pasado alas-10 ng gabi nitong Huwebes.