Push Admin

Palm Sunday, ipinagdiwang ng mga Katoliko

Article (news)

Job Manahan

ABS-CBN News

<div><span id="isPasted" style="white-space:pre-wrap">Dinagsa ng mga Katoliko ang mga simbahan ngayong Linggo ng Palaspas o Palm Sunday na hudyat na simula ng Semana Santa. </span></div><p>Sa Quiapo Church sa Maynila, nagdaos ng prusisyon bago ang Misa bandang 4:30 ng madaling-araw na pinangunahan ni Rev. Fr. Rufino Sescon Jr., rector ng simbahan.</p><p>Naglakad mula Carriedo Street ang mga dumalo hanggang sa makapasok sa simbahan para sa Misa.</p><p>Binabasbasan na rin ng mga pari ang palaspas na bitbit ng mga sumama sa prusisyon.</p><p>Ilan sa mga nagsimba si Haidee Labiste at dalawang kaibigan. Galing sa trabaho, dumiretso sila sa simbahan para ipagpatuloy ang tradisyon na makapagsimba sa Linggo ng Palaspas.</p><p>“Pinagdadasal ko ang family ko. Good health tsaka maging okay ang trabaho namin, tradisyon na talaga namin ito, na tuwing Palm Sunday mayroon kaming winawagayway na palaspas para next year mayroon din kaming masusunog at mailagay sa noo,” ani Labiste.</p><div><ivs-player data-ivs-key="e8c22c015ca9eafa76f1e3edfa03c603" data-ivs-spid="3001339" data-ivs-vid="2995091"></ivs-player></div><script src="https://player.ivideosmart.com/ivsplayer/v4/dist/js/loader.js"></script><p>Kalusugan din at maayos na pamumuhay ang dasal ni Felicidad Reyes.</p><p>“Grabe na ang kahirapan. Ultimong pambili ng ulam, grabe. Halos hindi na makaraos sa hirap,” sabi ni Reyes.</p><p>“Sobrang importante [ang Palm Sunday]. Kasama sa buhay na natin ito kung totoo tayong Katoliko,” dagdag niya.</p><p>Sa kanyang homily, sinabi ni Fr. Sescon na importante na laging piliin si Hesus araw-araw, sa kabila ng mga tukso.</p><p>“Sana punuin natin ng pagmamahal ang mga araw na ito. Marami tayong gagawin, sinimulan natin. Maraming prusisyon sa linggo na ito. May pabasa tayo, Visita Iglesia. Marami tayong gagawin. Magsasakripisyo tayo pero ang lahat ng ito magkakabuluhan lamang, magkakabiyaya lamang kung katulad ni Hesus Nazareno, dadaan tayo sa lagusan ng mga tupa, ang lagusan na may pagmamahal, pagmamalakasakit, pagpapatawad, pagsabi ng tao, at pagpili sa tama,” sabi ni Fr. Sescon.</p><p>“Maaari tayo ngayon sa simbahan ay taimtim na taimtim, mukhang banal, mukhang tahimik. Pero paglabas na paglabas natin, naiiba ang ating ugali, naiiba ang ating sinasabi. Para kay Kristo ka ba o laban kay Kristo? Pinipili mo ba si Kristo o iba ang iyong pinipili,” dagdag niya.</p><div><a href="https://news.abs-cbn.com/news/2024/3/23/doh-on-code-white-alert-for-holy-week-1046">DOH on code white alert for Holy Week</a></div><div><a href="https://news.abs-cbn.com/news/2024/3/22/pitx-expects-at-least-1-7-million-passengers-this-holy-week-2210">PITX expects at least 1.7 million passengers this Holy Week</a></div>

<p>Dinagsa ng mga Katoliko ang mga simbahan para sa Linggo ng Palaspas o Palm Sunday na hudyat na simula ng Holy Week o Semana Santa. </p>

Dinagsa ng mga Katoliko ang mga simbahan para sa Linggo ng Palaspas o Palm Sunday na hudyat na simula ng Holy Week o Semana Santa.