Push Admin

Away-pamilya ang sinasabing pinag-ugatan ng gulo na ikinamatay ng isang senior citizen sa San Andres Bukid.

Article (news)

81-anyos na lolo sa Maynila, patay matapos pagsasapakin ng apo

Karen De Guzman

ABS-CBN News

<div><ivs-player data-ivs-key="e8c22c015ca9eafa76f1e3edfa03c603" data-ivs-spid="3001339" data-ivs-vid="2997102"></ivs-player></div><script src="https://player.ivideosmart.com/ivsplayer/v4/dist/js/loader.js"></script>MAYNILA — Nasawi ang 81-anyos na lolo matapos pagsasapakin ng 27-anyos niyang apo sa Barangay 770 sa San Andres Bukid, Maynila nitong Lunes ng gabi. Away-pamilya ang sinasabing pinag-ugatan ng gulo.Kwento ng anak ng biktima na si “Julie”, nagtatalo sila ng kanyang asawa noong Lunes ng umaga dahil sa pera.Habang nag-aaway, nakita sila nang nakainom na niyang ama. “Itong gabing ‘to, si tatay nakainom na, nalasing na si tatay... Ito namang tatay ko, pinagmumura asawa ko, inaaway. Hindi niya maano na ganun ang nangyayari sa buhay ko,” sabi ni Julie.Narinig ng bagong gising niyang anak ang pagmumura ng kanyang lolo sa ama. Sa galit, sinuntok niya umano ito. “Narinig ng anak ko na bagong gising na minumura ang tatay (niya), lumabas. Sabi, sinuntok pero ang alam ko tinulak,” kwento ni Julie.<div><a href="https://news.abs-cbn.com/news/2024/3/1/bystander-aksidenteng-nabaril-sa-san-andres-bukid-841">BASAHIN: Bystander aksidenteng nabaril sa San Andres Bukid</a></div>“‘Yung narinig ko doon, sinuntok daw ‘yun tapos natumba, nabagok. Tapos sinuntok pa daw ng sinuntok. So, ang sabi ko dapat inintindi na lang nila ‘yun kasi matanda na ‘yun e,” sabi ni Punong Barangay Lourdes Delgado ng Barangay 770, San Andres Bukid, Manila.Hinanap nila ang suspek na apo pero agad itong nakatakas. Naisugod pa sa ospital ang lolo pero binawian din ng buhay. Hinala ni Delgado, posibleng nakagamit ng ipinagbabawal na gamot ang naturang apo.Nananawagan naman si Julie na sumuko na ang anak sa mga awtoridad. “Kung nasaan ka, sumuko ka na. Gawin mo ‘yung dapat mong gawin. Tatay ko ‘yan. Lolo mo ‘yan. Ginawa mo. Umuwi ka. Sumuko ka na parang awa mo na,” panawagan ni Julie. Patuloy pang pinaghahanap ng mga awtoridad ang suspek na apo.

Away-pamilya ang sinasabing pinag-ugatan ng gulo na ikinamatay ng isang senior citizen sa San Andres Bukid.