Push Admin

Article (news)

Ilang pamilya apektado sa sunog sa Pasay City

Job Manahan

ABS-CBN News

<p>MAYNILA — Sumiklab ang sunog sa isang residential area sa Apelo Cruz Street sa Barangay 157 sa Pasay City, nitong Biyernes ng gabi.</p><p>Umabot ng ikalawang alarma ang sunog na nagsimula bandang 8:30 p.m. </p><p>Idineklara itong fire out ng Bureau of Fire Protection (BFP) ng 10:27 p.m. Nasa 3 hanggang 5 bahay ang natupok, dagdag ng BFP. </p><p>Walang sugatan o nasawi sa sunog. </p><p>“One of the challenges ng responders natin ay ang pagpasok sa mismong involved na mga bahay na nasusunog. Mga eskenita ito at mostly ang kaya lang magsabay papasok ay mga 3 [o] 2 tao lang,” ani SFO1 Rezmond Germino, public information officer ng BFP-Pasay.</p><p>“Yung mga mabilis na pagkalat ng apoy din dahil mostly light materials [na] construction materials lang ang ginamit sa bahay,” dagdag ni SFO1 Germino.</p><div><a href="https://news.abs-cbn.com/news/2024/3/8/fire-hits-neighborhood-in-malibay-pasay-2327">READ: Fire hits neighborhood in Malibay, Pasay</a></div><p>Sa inisyal na listahan ng barangay, 35 na pamilya o 128 na indibidwal ang apektado.</p><p>Habang sa inisyal na tala ng BFP-Pasay, nasa 8 hanggang 10 pamilya ang apektado at nasa 3 hanggang 5 mga bahay ang natupok.</p><p>Napaluha ang residenteng si Joey Ponce, habang kinukuwento ang sinapit ng kanyang 4 na palapag na bahay at computer shop. </p><p>Bagamat naisalba niya ang karamihan sa computer sets, malaking bahagi ng kanyang shop ang nasunog. Inutang pa umano niya ang kapital dito noong binuksan 3 taon na ang nakalipas.</p><p>“Sa awa ng Diyos buhay kami. Masakit sa kalooban na masunugan. Iniisip ko na kunin ‘yung mga computer dahil wala namang kukuha kundi kami lang. Baka mapakinabangan pa,” aniya.</p><p>Humihingi si Ponce ng tulong para mapagawa muli ang kanilang bahay.</p><p>Sabi ng isa sa mga nasunugan na si Marides Fabilla, mabilis lumaki ang apoy.</p><p>Kuwento niya, damit at dokumento lamang ang kanyang naisalba.</p><p>“Nakaligtas naman kami, awa ng Diyos. Buti na lang ganoon. Di baleng masunog ang gamit, mabibili pa yan pero yung mga apo ko una kong niligtas,” dagdag niya.</p><p>Pansamantalang nananatili sa isang open court ang mga pamilyang nasunugan. Nangako rin ang barangay ng tent para sa mga residente.</p><p>Nagsimula na ring maglista ang mga kawani ng Department of Social Welfare and Development (DSWD) para mamigay ng tulong sa mga nasunugan.</p><div><strong>SUNOG SA QUEZON CITY</strong></div><p>Nasunog naman ang bahagi ng isang bahay sa Barangay Bagbag sa Novaliches, Quezon City nitong Sabado ng madaling araw.</p><p>Sabi ng Bureau of Fire Protection (BFP) - Quezon City, nagsimula ang sunog sa laundry room ng dalawang palapag na bahay bandang 12:57 ng madaling araw. Itinaas agad ito sa unang alarma matapos ang 6 na minuto.</p><p>Mabilis na naapula ang sunog kaya idineklara ng BFP-QC ang fire out ng 1:18 a.m.</p><p>Sabi ni SFO4 Christopher Navarro, ang fire ground commander, walang tao nang mangyari ang sunog sa bahay, pero nai-report agad ito ng mga kapitbahay. </p><p>“Naka-firewall naman lahat ng area natin,” ani SFO4 Navarro.</p><div><strong>KAUGNAY NA VIDEO</strong></div><div><strong><span class="fr-video fr-deletable fr-fvc fr-dvb fr-draggable fr-active" contenteditable="false" draggable="true"><iframe width="640" height="360" src="https://www.youtube.com/embed/IrcdcJmNdAM?&amp;wmode=opaque&amp;rel=0" frameBorder="0" allowfullscreen="" class="fr-draggable"></iframe></span></strong><br/></div><div><br/></div><div><br/></div><div><br/></div>

<p> Sumiklab ang sunog sa isang residential area sa Apelo Cruz Street sa Barangay 157 sa Pasay City, nitong Biyernes ng gabi.Umabot ng ikalawang alarma ang sunog na nagsimula bandang 8:30 p.m. Idineklara itong fire out ng Bureau of Fire Protection (BFP) ng 10:27 p.m. Walang sugatan o nasawi sa sunog. </p>

Sumiklab ang sunog sa isang residential area sa Apelo Cruz Street sa Barangay 157 sa Pasay City, nitong Biyernes ng gabi.Umabot ng ikalawang alarma ang sunog na nagsimula bandang 8:30 p.m. Idineklara itong fire out ng Bureau of Fire Protection (BFP) ng 10:27 p.m. Walang sugatan o nasawi sa sunog.