Push Admin

Sunog sa Isla Puting Bato umabot na sa Task Force Alpha

Article (news)

Jose Carretero

ABS-CBN News

<p>MAYNILA -- Nasa Task Force Alpha pa rin ang sunog na sumiklab sa Barangay Isla Puting Bato sa Tondo, Maynila maga-alas kwatro ng hapon ngayong Miyerkules.</p><p>Dahil sa bilis ng pagkalat ng apoy, alas 5:31 ng hapon itaas sa Task Force Alpha ang sunog.</p><p>Ayon kay Fire Inspector Ronald Lim, hepe ng Station One ng BFP Manila, hirap ang mga bumbero na apulahin ang apoy dahil sa maliiit na iskinita at siksikan na mga bahay.</p><p>Malapit din sa dagat ang mga nasusunog na bahay kaya problema rin ang mayat-mayang bugso ng hangin.</p><p>Wala pang bilang ang BFP kung ilang bahay na ang nasunog.</p><p>Inaalala ngayon ng BFP kung kulangin sila ng tubig at muling lumakas ang hangin.</p><p>Wala namang naitatala ang BFP na nasaktan o namatay dahil sa sunog.</p><p>Ang mga residente ay kanya-kanyang hakot ng mga gamit. May ilan na gumamit ng hagdan para mailabas ang mga gamit sa bahay habang hindi pa sila inaabot ng apoy.</p><p>Ayon sa ilang residente, nabigla na lamang sila nang makita ang makapal na usok mula sa mga kabahayan.</p><div><br/></div><div><br/></div><div><br/></div>

<p>Umabot na sa Task Force Alpha ang sunog sa Isla Puting Bato sa Tondo, Maynila.</p>