MANAMA - Nagsanib pwersa kamakailan ang Migrant Workers Office (MWO) sa Bahrain at Bahrain Recruitment Society (BRS) para maisagawa ang seminar na tinawag na "Briefing on the Responsible Recruitment of Filipino Workers in the Kingdom of Bahrain" sa Golden Tulip Hotel sa Manama, Kingdom of Bahrain noong February 29.

Ang briefing dinaluhan ng may 145 participants na binubuo ng agency owners at  Welfare Desk Officers ng 62 Foreign Recruitment Agencies (FRAs) sa Bahrain. 

PE Manama photo

Binigyan ang mga dumalo ng mahahalagang updates tungkol sa Philippine regulations at procedures sa tamang paraan ng hiring at deployment ng Filipino workers. 

 

Tinalakay ang labor at recruitment laws ng Bahrain. Pinag-usapan din ang mga isyung kinakaharap ng mga OFWs, maging ang mga solusyong maaring maibigay sa problema ng OFWs, sponsors at agencies. 

 

Kasama sa mga naimbitahang maging resource speakers ng event ay mula sa Migrant Workers Office, OWWA-Bahrain, Labour Market Regulatory Authority (LMRA) ng Kingdom of Bahrain at mga kinatawa ng Bahrain Recruitment Society (BRS).

PE Manama photo

Sa kanyang keynote address, pinasalamatan ni Philippine Ambassador to Bahrain Anne Jalando-on Louis ang LMRA at BRS sa kanilang pakikipatulungan sa embahada para maisulong ang responsable, patas at ethical recruitment upang maitaguyod ang karapatan ng Filipino migrant workers.  

 

Pinuri rin ni Jalando-on Louis ang pagsusumikap ng Kingdom of Bahrain na maisakatuparan ang labor reforms na nakasentro sa human rights at fair migration policies, gayundin ang matibay na pagtutulungan ng Pilipinas at Bahrain sa labor issues na alinsunod sa United Nations Global Compact for Safe, Orderly and Regular Migration (GCM) framework.  

Para sa mga nagbabagang mga balita tungkol sa ating mga kababayan sa Bahrain, tumutok sa TFC News sa TV Patrol.