Push Admin

Patay ang isang 73-anyos na babae matapos mabangga ng e-bike sa Bgy. Malanday sa Marikina City nitong Lunes.

Article (news)

Lola patay matapos mabangga ng e-bike sa Marikina

Job Manahan

ABS-CBN News

<div><img src="https://od2-image-api.abs-cbn.com/prod/editorImage/17123612813291712361277336.png" style="width:482px" class="fr-fic fr-dib" alt=""/>Patay ang isang 73-anyos na si Luzviminda Bisarez matapos mabangga ng e-bike sa Bgy. Malanday sa Marikina City. Screenshot mula sa contributed video </div><div>MAYNILA (UPDATED) — Patay ang isang 73-anyos na babae matapos mabangga ng e-bike sa Barangay Malanday sa Marikina City nitong Lunes. </div>Kinilala ang biktima na si Luzviminda Bisarez, na tatawid lang sana ng kalye nang mangyari ang insidente. Arestado ng pulisya ang 31-anyos na driver ng e-bike. Sa kuha ng CCTV, makikita ang biktima na tumatawid nang masalpok ng e-bike. Tumilapon at napahiga ang biktima. Makikita rin na lumapit sa biktima ang ilang residente at driver ng e-bike. Pero ayon sa kaanak, hindi umano agad dinala ng driver sa pagamutan ang biktima. Napaiyak ang anak ng biktima na si Lucy Bisarez habang ikinukuwento ang nangyari. “Mas nauna pa ko kay nanay dumating sa hospital. Nakita ko si nanay talagang lugmok na siya. Malamig pero ‘yung hininga niya, agaw-hininga siya tapos lumuluha. So hindi ko alam na naaksidente siya hanggang sa dumating ang mga pulis,” sabi ni Bisarez.<div><img src="https://od2-image-api.abs-cbn.com/prod/editorImage/1712361401009e-bike 2.jpg" style="width:450px" class="fr-fic fr-dib" alt="Burol ni Bisarez. ABS-CBN News"/>Burol ni Bisarez. ABS-CBN News</div>“Ang sabi ng mga kapitbahay, iniwan lang malapit sa amin. Sa kapitbahay pa mismo ginamot ang sugat and then pagdating sa kanto ng bahay namin, dinala siya doon. Lumabas ‘yung bayaw ng kapatid ko, nakita niya si nanay nakahandusay,” dagdag niya.Sabi niya, may malay pa umano ang kanyang ina nang madala sa ospital at lumaban ng ilang oras bago binawian ng buhay.<div><a href="https://news.abs-cbn.com/business/2024/4/5/list-road-where-e-bikes-e-trikes-are-banned-051">LIST: Roads where e-bikes, e-trikes are banned</a></div>Dahil sa kuha ng CCTV agad na nakilala ng mga kapitbahay at naaresto ang driver. “Hapon siya nang mahuli. Kung sana tumawag ng emergency — maaari pang nagamot siya — gising pa [ang nanay]. Sana ‘yung concern man lang niya na dalhin ang nanay ko para at least malaman namin kung ano ang masakit sa kanya. Dapat dinala mo sa hospital kung ganoon, sabi ko sa kanya, mapapatawad ko pa,” ayon kay Bisarez. Hiling ng pamilya na hindi na makalabas ng kulungan ang driver. <div> <iframe src="https://www.google.com/maps/embed?pb=!1m18!1m12!1m3!1d7720.300438187218!2d121.0949881!3d14.647412850000002!2m3!1f0!2f0!3f0!3m2!1i1024!2i768!4f13.1!3m3!1m2!1s0x3397b9c4fc29425f%3A0xa051b4b3394e2aa!2sMalanday%2C%20Marikina%2C%201800%20Metro%20Manila!5e0!3m2!1sen!2sph!4v1712382273751!5m2!1sen!2sph" width="600" height="450" style="border:0" allowfullscreen=""></iframe></div><div>&#x27;Hindi napansin ang tumatawid&#x27; </div><div>Itinanggi ng ina ng driver na pinabayaan ng kanyang anak ang biktima, pero inamin niyang walang nabanggit ang anak ng araw na yun na may nabangga na pala siya.</div> “Makikita talaga sa CCTV kung anong nangyari. Patawid ang matanda, parating ang anak ko. Yung matanda, nagkagulatan sila,” dagdag niya.Humihingi siya ng tawad sa mga kaanak ng biktima. Namomroblema rin siya kung saan kukunin ang pang-piyansa sa anak lalo na’t na-impound ang kanilang e-bike na ginagamit niya sa pagtitinda. “Walang gustong mangyari ‘yun. Kaya humihingi ako ng sorry sa kanila, nagagalit sila sa akin, eh ano ba ang kasalanan ko?” dagdag ng ina.Batay sa imbestigasyon ng Traffic Investigation Unit ng Marikina Police Station, hindi napansin ng rider ang biktima. “Hinahanap niya ang pera niya sa bulsa niya habang nagmamaneho so hindi niya nakita si Aling Luzviminda na papatawid kaya nabangga niya, hindi pampasaherong e-bike. Isa lang ang kasya na pasahero tsaka ‘yung driver,” sabi ni PLt. Fidel Draculan, Jr. officer-in-charge ng traffic investigation unit ng Marikina Police Station. “Imbes na dalhin niya sa ospital, dinala niya sa lugar malapit sa bahay nila,” dagdag ni PLt. Draculan. Sinampahan na ng reklamong Reckless Imprudence Resulting in Homicide ang driver ng e-bike.Nagpaalala ang pulisya at barangay na mag-ingat sa pagmamaneho ng e-bike.“Hindi natin naiisip na makakaaksidente ito at magreresulta sa pagkamatay ng pedestrian,” sabi ni PLt. Draculan.&quot;Bukod sa kanilang pagmamaneho kailangan safe din yung speed nila kapag mabibilis sinisita namin,&quot; ayon kay Kagawad Fernando Felipe.<div>Regulasyon ng e-bike at ibang alternatibong sasakyan</div>Pinag-aaralan na rin ng Barangay Malanday kung paano ang magiging regulasyon sa mga bumibiyaheng e-bike sa kanilang lugar lalo na’t dumarami na umano ang mga ito.Sa isang post sa Facebook, sinabi ng Metropolitan Manila Development Authority na mula April 15 ay ipapatupad na ng ahensya ang pagbabawal sa mga e-bike, e-trike at iba pang sasakyan yulad ng tricycle at pedicab sa mga national, circumferential at radial road sa National Capital Region.&quot;Isa sa mga rason kung bakit isinulong ng MMDA ang regulasyon dahil sa patuloy na pagdami ng mga light electric vehicles sa mga lansangan at pagtaas ng road crash incident na kanilang kinasasangkutan,&quot; dagdag nito.Sa isa namang post sa X, sinabi ni Primo Morillo, isang commuter advocate at convenor ng The Passenger Forum, na malungkot ang pangyayari at dapat panagutan ng ng magmamaneho ng e-bike ang insidente.Ipinunto rin niya na hindi kayang tumakbo ng mabilis ang karamihan ng e-bike.&quot;Pag-usapan naman natin ang mas maraming mga driver ng mas malalaking sasakyan na nakakasakit, nakakalumpo, at nakakapatay pero marami sa kanila ay nakakatakas,&quot; dagdag niya.Para sa ilang mga nagsusulong active transport at ng reporma sa sistema ng transportasyon sa Pilipinas, ang mga e-bike at e-trike ay maaring magandang kapalit ng mga kotse at de-makinang sasakyan.

Patay ang isang 73-anyos na babae matapos mabangga ng e-bike sa Bgy. Malanday sa Marikina City nitong Lunes.