Push Admin

Article (news)

20220627-kamuning-flyover-traffic-MD-14

Raya Capulong

ABS-CBN News

MAYNILA (UPDATED) — Hinarang ng mga tauhan ng PNP Highway Patrol Group ang dalawang miyebro ng MMDA na nag-eescort sa kahabaan ng Diokno Avenue, Paranaque City nitong Miyerkoles ng gabi matapos maispatan ang mga ito na gumagamit ng blinker. Nang makita ang mga minamanehong motorsiklo nang malapitan, nakitang may police markings ang mga ito. Paliwang ng PNP HPG, otorisado ang mga tauhan ng MMDA na mag-escort pero hindi sila pwede gumamit ng police markings. &quot;Malayo pa nakita namin yung blinkers. Nung malapit na flinag down ng tropa. It so happened na mmda enforcer pala but yung pagkakamali lang nila yung markings na may pulis. Yung MMDA motorcycle with markings ng pulis sa harap…kasi hindi naman sila pulis eh,&quot; ayon kay PCol. Niel Francia, hepe ng PNP HPG NCR. Depensa naman ng mga naarestong tauhan ng MMDA, dati nang nakalagay ang mga police markings bago pa nila gamitin ang mga motorsiklo. &quot;Re-issue yun eh, ‘di naman galing sa amin yun so nung kinuha namin yung motor may markings na ng pulis na naka sticker,” ayon sa tauhan ng MMDA na naaresto. Kuwento ng isa sa mga naaresto na isang senador ang kanilang ini-eskortan. Kinumpirma naman ito ng HPG. &quot;Nalaman na lang namin after doon sa matagal na pag-question namin sa riders na may VIP sila, at nagbukas si ano, si Senator Tolentino, tinanong ako kung pwede na sila umalis sabi ko yes sir kasi motor lang naman ano namin dahil sa police markings. Hinayaan namin sila, pinaalis kasi nga authorized naman siya magkaroon ng escort yun lang ang mali doon sa hatak yung mga riders mayroong police markings kaya dinala namin dito,” ayon kay Francia. Sa isang pahayag, sinabi ni Senator Francis Tolentino na walang kontrol ang kanyang tanggapan sa mga marking na nakadikit sa mga sasakyan ng MMDA na nag-escort sa kanya. Pero wala aniyang nalabag na batas tungkol sa mga insignia dahil hindi naman nakadikit ang mga ito sa uniporme ng mga inarestong tauhan ng MMDA. Nilinaw din niyang suportado niya ang mga awtoridad na nag-iimbestiga sa insidente. Humingi rin siya ng paumanhin sa publiko at mga ahensyang naapektuhan. &quot;My sincerest apologies to the public who I always strive to serve with integrity and transparency, and those concerned agencies affected,&quot; ani Tolentino. &quot;This is an internal MMDA matter. My office does not have any control as to what markings they attach on their vehicles, or even their helmets or belts. No violation of existing laws relative to insignias was committed as the stickers were not attached to their uniforms.” Pinaiimbestigahan na ng MMDA ang insidente. Nagbabala naman ang PNP HPG sa publiko hinggil sa paggamit ng police markings. “We are coordinating with PNP-HPG and waiting for the official report. We will investigate the matter and act accordingly,” pahayag ni MMDA Acting Chairman Atty. Don Artes. &quot;Pag gumamit kayo ng mga ganyang sticker ng PNP na hindi kayo member talagang may violation kayo under Revised Penal Code,” dagdag ni Francia. Nahaharap ang dalawang tauhan ng MMDA sa reklamong usurpation of authority. Pinaaalis na ni Tolentino ang mga stickers para masigurong walang malalabag na batas. - may ulat ni RG Cruz, ABS-CBN News

Hinarang ng mga tauhan ng PNP Highway Patrol Group ang dalawang miyebro ng MMDA na nag-eescort sa kahabaan ng Diokno Avenue, Paranaque City nitong Miyerkoles ng gabi matapos maispatan ang mga ito na gumagamit ng blinker.

Hinarang ng mga tauhan ng PNP Highway Patrol Group ang dalawang miyebro ng MMDA na nag-eescort sa kahabaan ng Diokno Avenue, Paranaque City nitong Miyerkoles ng gabi matapos maispatan ang mga ito na gumagamit ng blinker.

2 MMDA escort arestado sa paggamit ng motorsiklong may PNP markings

News

Entertainment

Lifestyle

Sports

Metro.Style

More

Traffic

Manila

Horoscope

News

2 MMDA escort arestado sa paggamit ng motorsiklong may PNP markings

Raya Capulong,

ABS-CBN News

Published May 30, 2024 06:59 PM PHT

|

Updated May 30, 2024 09:52 PM PHT

Read More:

MMDA

PNP HPG

PNP

Highway Patrol Group

Tagalog news

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.