Jail

Lyza Aquino

ABS-CBN News

MAYNILA — Arestado ang 2 pulis at isa pang kasama nito matapos umanong pagnakawan ng pera at tangayan ng motorsiklo ang isang lalaki sa Bgy. Balon Bato sa Quezon City. Ayon sa hepe ng Quezon City Police District - Criminal Investigation and Detection Unit (QCPD- CIDU) na si Maj. Don Don Llapitan, nasa nasabing lugar sina Capt. Reynandy Tagle, hepe ng Homicide Division ng CIDU kasama ang mga tauhan ng Talipapa Station para magsagawa ng follow-up investigation sa isang insidente ng pamamaril sa lugar noong Lunes. Nasa barangay hall ng Balon Bato ang mga tauhan ng CIDU nang marinig na may komosyon sa ibaba ng Bgy. Hall. Dun nakita ng mga pulis-QC na may isang lalaki na hinahabol ng tatlong iba pang lalaki na nakasakay ng 3 motorsiklo. Agad rumesponde ang mga pulis kung saan naharang nila ang tatlong rider. &quot;So pagbaba kaagad agad sinita ng pulis natin sa QCPD yung nasabing personalidad, at nagpakilala naman po yung nasabing sibilyan na may baril na pulis din daw po siya,&quot; sabi ni Llapitan. Nagpakilala ang dalawa sa mga rider na mga pulis na nakatalaga sa Caloocan Police Sub Station 6, at isa naman ay sibilyan. Nagsasagawa umano sila ng hot pursuit operation laban sa isang personalidad na sangkot sa ilegal na droga. Pero nang hanapan nang kaukulang dokumento o patunay ng operasyon, walang naipakita ang mga ito. Dito na inaresto ng mga taga CIDU ang mga kabaro.&quot;Dapat po pag lulundag ka sa isang area for example from Caloocan to QCPD, may tinatawag po tayong coordination sa bawat unit,&quot; sabi ni Llapitan. Ito ang tamang protocol para maiwasan ang misfire o misencounter. Depensa ng mga naarestong pulis, nagsasagawa sila ng hot pursuit operation sa lugar at target nila ang lalaki na kanilang hinahabol. Pero ayon sa lalaki, tinangay ng mga pulis ang motorsiklo at pera niya na nagkakahalaga ng P16,000. Tumangging magbigay ng pahayag sa ABS CBN News ang mga suspek na may ranggong Police Staff Sergeant at Police Corporal. Kasalukuyang nakakulong sa opisina ng CIDU sa Camp Karingal. Sinampahan ng reklamong Unlawful Arrest, Robbery at Carnapping ang mga suspek na pulis habang Usurpation of Authority at Illegal Possession of Firearms naman ang isinampa sa kasama nilang sibilyan na nahulihan din ng replica na baril.

Pero ayon sa lalaki, tinangay ng mga pulis ang motorsiklo at pera niya na nagkakahalaga ng P16,000.

Pero ayon sa lalaki, tinangay ng mga pulis ang motorsiklo at pera niya na nagkakahalaga ng P16,000.

2 pulis-Caloocan arestado matapos umanong magnakaw ng motorsiklo, pera | ABS-CBN

Entertainment

News

Metro.Style

Sports

More

News

2 pulis-Caloocan arestado matapos umanong magnakaw ng motorsiklo, pera

2 pulis-Caloocan arestado matapos umanong magnakaw ng motorsiklo, pera

Lyza Aquino,

ABS-CBN News

Published Jun 11, 2024 07:11 PM PHT

Read More:

pnp

caloocan

QCPD

robbery

carnapping

balon bato

krimen

crime

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Advertise with Us

Privacy Policy

Terms of Service

© 2025 ABS-CBN Corporation. All Rights Reserved.