Push Admin

Chinese military uniforms na nahanap sa Pampanga, inaalam kung lehitimo

Article (news)

Zyann Ambrosio

ABS-CBN News

Anim na pares ng umano&#x27;y chinese military uniform ang narekober ng PAOCC at PNP mula Lunes hanggang ngayong Martes.May mga inisyal na PLA sa mga butones ng mga unimporme, na umano&#x27;y People&#x27;s Liberation Army, ang tawag sa puwersang militar ng china.May nakuha ring belt na kahawig ng logo ng Chinese People&#x27;s Armed Police Force, ang Chinese paramilitary organization na nangangalaga sa panloob na seguridad sa kanilang bansa.&quot;We need confirmation from our counterparts... Ang ina-avoid natin mamaya props lang yan, mamaya nabili lang nila sa surplus. We don&#x27;t want to spread fake news. We need to validate first,&quot; ani PAOCC chief Gilbert Cruz.Ayon naman sa Armed Forces of the Philippines (AFP), hindi nangangahulugang may espiya sa bansa, base lang sa iilang unipormeng natagpuan sa POGO hub.“We are trying to look at the veracity of the report, whether they are legit uniforms. These are very few in number to be part of their troops, so we don’t want to unnecessarily cause panic to the general public,” ani AFP spokesperson Col. Francel Padilla. Maging ang Philippine National Police ay naniniwala na kailangan munang imbestigahang mabuti kung lehitimo ang mga unipormeng nakita.“Sa ngayon, premature pa po na mag-conclude po tayo na ito po ay uniporme po ng Chinese dahil the absence of any proof so far. But magko-conduct po tayo ng research para ikumpara po kung ito po ba talagang uniporme na nakumpiska natin ay ito po &#x27;yung mga usual na uniforms na sinusuot po ng ibang bansa po. Sa ngayon po under investigation po ito,&quot; ani PNP Spokesperson Col. Jean Fajardo.Natagpuan naman sa ilang villas sa compound ang ilan pang ebidensya umano ng exploitation at torture.Sa mga villa na ito pinaniniwalaang nakatira ang mga big boss ng hub at mga pamilya nila.Kabilang sa mga nasamsam ang nasa dalawampung sex toys na ginagamit umano sa sex trafficking at pang-aabuso.Samantala, pinangalanan ng PAOCC ang mga nasa likod ng Lucky South 99.&quot;Yung facility is managed by Whirlwinds Corporation. Nile-lease ni Shin Zheng at ng it start up with its owners being represented by a certain Catherine Cassandra Ong. &#x27;Yun &#x27;yung status ng license and &#x27;yung Lucky South 99 ang owners represented by a certain Norman Macapagal, former HR head nila as of December 2023 may pending application,&quot; ani Cruz.Ayon kay Sen. Sherwin Gatchalian, iisa umano ang nasa likod ng POGO hub sa Porac at sa Bamban.&quot;Yung mga tao na nadiskubreng nasa Porac, sila rin ang mga nasa Bamban. Lumipat-lipat lang, then sila rin mismo ang nagsasabi na ang mastermind dito ay iisa rin lang,&quot; ani Gatchalian.Samantala, epektibo ngayong Martes sinibak na sa pwesto ang provincial director ng Pampanga PNP na si Col. Levi Hope Basilio habang isinasagawa ang imbestigasyon sa mga ilegal na gawain sa Lucky South 99.  Nauna rito ay inalis na rin ang hepe ng Porac Municipal Police.Ayon kay Fajardo, aalamin nila kung nagkaroon ng kapabayan pagdating sa peace and order sa kanilang lugar at kung bakit hindi nalaman agad ang mga ilegal na aktbidad na nangyayari sa POGO hub.Pansamantalang tatayo bilang hepe ng Pampanga police ang Deputy Provincial Director for Administration ng Pampanga police na si Lt. Col. Maylanie Casti.

Umabot na sa anim na pares ng umano'y Chinese military unfirom ang narekober mula sa POGO hub sa Porac, Pampanga.

Umabot na sa anim na pares ng umano'y Chinese military unfirom ang narekober mula sa POGO hub sa Porac, Pampanga.