Push Admin

Kagawad arestado dahil sa panunutok, pamamaril sa Malabon

Article (news)

Lyza Aquino

ABS-CBN News

Arestado ang isang barangay kagawad dahil sa panunutok ng baril at walang habas na pamamaril sa harap ng kanyang bahay sa Barangay Panghulo, Malabon, alas-kwatro Martes ng madaling araw.Ayon kay Police Colonel Jay Baybayan, hepe ng Malabon Police, nagalit umano ang suspek na si Kagawad Jaime Domingo matapos makitang nakaharang sa gitna ng kalsada sa tapat ng kanyang bahay ang grupo ng mga nag-iinumang lalaki.&quot;Ang sabi niya ay dahil nag-iinuman &#x27;yung mga involved dito doon sa harap ng bahay niya. Ang sabi niya iniwan &#x27;yung mga tables at mga upuan nadatnan niya tapos hindi man lang nilinis doon sa tapat ng bahay niya,&quot; sabi ni PCol. Baybayan.Dagdag ni Baybayan, si Domingo ay incumbent barangay kagawad sa lugar at dating pulis na nakatalaga sa Malabon bago magretire noong 2021.Sa video, makikitang kakauwi lang ng suspek, nagmumura at galit siya dahil sa mga naiwang mesa at upuan sa gitna ng kalsada.Kalaunan ay kinwelyuhan niya ang isa sa mga lalaking nag inuman sa kalsada, at bumunot siya ng baril at nagpaputok ng ilang beses sa lupa, sa tabi ng lalaki.&quot;Pagbaba niya ng sasakyan niya may hawak na siyang baril. Yung mga kabataang nakapwesto dito, nagpasukan sa bahay habang &#x27;yung iba nagpulasan sila. Yung anak ko, sorry, naiwan dito sa gilid. So yun na siya… siya na nilapitan at hinatak siya at the same time binaril na &#x27;yung bandang paanan,&quot; sabi ng ina ng lalaking biktima.&quot;Akala ko ang anak ko hindi na mabubuhay kasi ang sabi niya &#x27;gusto mo patayin ko sa harapan mo kriminal ako kaya kong pumatay,&#x27; so bilang magulang sobrang takot baka mamaya nga patay na yung anak ko kasi patuloy pa rin siya sa pagpapaputok ng baril,&quot; dagdag niya.Rumesponde ang pulisya sa lugar matapos makatanggap ng tawag mula sa emergency hotline 911.Pinuntahan nila ang bahay ng kagawad at siya ay inaresto.Nabawi sa kanya ang ginamit na baril.&quot;Ang nakuha natin sa kanya ay isang calibre .45 at may anim na basyo at dalawang deformed na fired bullets, pinakita niya itong mga kaukulang dokument mayroon siyang LTOPF firearms registration at mayroon din siyang permit to carry firearms,&quot; sabi ni PCol. Baybayan.Isinailalim ang kagawad sa paraffin test habang ang kanyang baril ay isasailalim naman sa ballistics examination.&quot;Dahil sa ginawa niya dahil sa pagpapaputok ng baril ito ay magiging violation, kami ay gagawa ng kaukulang request para ito ay iparevoke yung kanyang mga dokumento dito sa baril,&quot; sabi ni PCol. Baybayan.Tumangging magbigay ng pahayag ang suspek na nasampahan na ng reklamong Grave Threat at Alarm and Scandal.Nakakulong siya ngayon sa Malabon City Police Station.<div><ivs-player data-ivs-key="e8c22c015ca9eafa76f1e3edfa03c603" data-ivs-spid="3001339" data-ivs-vid="3056694"></ivs-player></div><script src="https://player.ivideosmart.com/ivsplayer/v4/dist/js/loader.js"></script>

Arestado ang isang barangay kagawad dahil sa panunutok ng baril at walang habas na pamamaril sa harap ng kanyang bahay sa Barangay Panghulo, Malabon, alas-kwatro Martes ng madaling araw.

Arestado ang isang barangay kagawad dahil sa panunutok ng baril at walang habas na pamamaril sa harap ng kanyang bahay sa Barangay Panghulo, Malabon, alas-kwatro Martes ng madaling araw.