Push Admin

Restaurant staff nasalisihan ng cellphone, natangayan pa ng P29K sa bank account

Article (news)

ABS-CBN News

JOB MANAHAN 

<div><ivs-player data-ivs-key="e8c22c015ca9eafa76f1e3edfa03c603" data-ivs-spid="3001339" data-ivs-vid="3057456"></ivs-player></div><script src="https://player.ivideosmart.com/ivsplayer/v4/dist/js/loader.js"></script><p>MAYNILA — Isang babae ang nasalisihan ng cellphone sa kanyang pinagtatrabahuhan na restaurant sa Barangay San Antonio, Makati City nitong Sabado ng umaga.<br/><br/>Sa CCTV, makikita ang pagpatong ng isang empleyado ng cellphone sa kanyang counter habang nagbibilang ng pera, nang biglang pumasok ang isang lalaki na naka-itim.<br/><br/>Pakilala umano ng suspek, magso-solicit sana siya. Pinatong ng lalaki ang kanyang papel sa counter, sa bahagi kung saan nakapatong ang cellphone.</p><p>Nang tanggihan ng mga empleyado ang solicitation letter, maya-maya pa ay tinanggal na niya ang papel at tila natataranta na lumabas ng restaurant.</p><p>Dito na napansin ng empleyado na nawala na ang cellphone at hinabol ang lalaki.<br/><br/>Sa isa pang anggulo ng CCTV, makikita na kumaripas ang suspek at sumakay ng motorsiklo. Nasa halos lagpas isang minuto lang nang nakuha ng suspek ang cellphone.<br/><br/>Balisa at labis ang panghihinayang ng may-ari ng cellphone unit, na aniya’y nagkakahalaga ng P80,000.</p><p>Bukod umano sa nanakawan na siya ng cellphone, natangayan din siya ng nasa P29,000 sa kanyang isang bank account isang oras lang matapos ang insidente.</p><p>Na-access kasi ng suspek ang bank account nito gamit ang ninakaw na cellphone. Pero palaisipan pa rin sa kanya paano niya na-access ang ilan sa mga ito lalo na’t protektado ito ng facial recognition at iba pang security features.</p><p>Sinusubukan din ng suspek na i-access ang kanyang social media platforms, lalo na’t konektado ang kanyang email at SIM card sa nanakaw na cellphone.<br/><br/>“Ang wino-worry ko noon, after a few hours, napalitan na agad ang password ng GMail ko then nagkaroon ng transaction sa bank account ko na nakapag-transfer ng pera… Tinag ko as lost ang phone ko pero napatay na niya agad, hindi siya (data) agad ma-delete,” sabi ng 35-anyos na biktima.</p><div><a href="https://news.abs-cbn.com/news/2024/3/4/suspek-sa-paghablot-ng-cellphone-arestado-sa-taguig-701">BASAHIN: Suspek sa paghablot ng cellphone arestado sa Taguig</a></div><p><strong>MARAMI NANG NAGING BIKTIMA</strong><br/><br/>Na-track pa sa isang mall ang ninakaw na cellphone sa pamamagitan ng GPS, at dito niya umano nadiskubre na hindi lang siya ang biktima ng suspek.<br/><br/>“Naka-ano siya doon, blacklisted na. Naka-watch list. Nasa watch list na siya. Kasi second victim ako from Makati na ganoon din ang nangyari. Noong pinakita ang picture sa akin, na-identify na siya yun, blonde lang ang color ng hair,” sabi niya.<br/><br/>Bagamat hindi na siya nagbabakasakali na mabalik ito,  umaasa siya na hindi na magalaw ang iba pang impormasyon niya sa ninakaw cellphone.<br/><br/>“Ang gusto ko lang, awareness sa iba kasi mahirap na mabiktima ang ibang tao… makulong sana kung mahuhuli kasi nakikipag-coordinate na rin sa akin ang Makati police,” sabi ng biktima.<br/><br/>“Na-rattle na ako nung napalitan na yung GMail ko kasi I thought hindi niya magagalaw kasi may face ID, may passcode naman. I don’t know if na-bypass,” dagdag ng 35-anyos.<br/><br/>Patuloy na tinutugis ng Makati Police ang suspek.</p><div><a href="https://news.abs-cbn.com/news/2024/2/11/2-suspek-sa-panghahablot-ng-cellphone-sa-makati-timbog-934">BASAHIN: 2 suspek sa panghahablot ng cellphone sa Makati timbog</a></div><p>Sabi ni PMaj. Welken Noblejas, commander ng Palanan Police Substation, maaaring parte ng salisi gang ang dalawang lalaki at modus ang solicitation. Nagba-backtracking na rin sila ng CCTV.<br/><br/>“Nagfa-follow up sila sa cellphone… may mukha kami ng suspect so at least may lead na kami para sa filing,” sabi ni PMaj. Noblejas.<br/><br/>“Parang salisi gang kung saan ang modus is nagso-solicit sila tapos pag may makita silang opportunity na kapag may puwedeng nakawin ang ating mga biktima, yun ang kinukuha nila sa loob ng restaurant o establishment,” dagdag niya.<br/><br/>May mensahe ang biktima sa suspek.</p><p>“Sana yung nakuha mo, kahit sa mga previous, if ever nakatulong sayo. Sana nakatulong kahit papaano. Gugustuhin kong makulong ka at pagsisihan mo ang ginawa mo,” sabi niya.<br/><br/>“Hindi rin ganoon ka-safe ang features ng ibang phone. Yung phone mo talaga dapat nasa’yo lang at hindi  mo dapat siya pinagkakatiwala kahit kanino,” aniya.<br/><br/>May paalala naman ang pulisya.<br/><br/>“Hangga’t maaari, ingatan nila ang gamit nila. Huwag nila ilalagay kung saan-saan, mabigyan ng opportunities ang mga magnanakaw para makuha ang ating  mga gamit,” sabi ni PMaj Noblejas.</p><div><strong>IBA PANG ULAT</strong></div><div><iframe allowfullscreen="" frameBorder="0" height="360" src="https://www.youtube.com/embed/Cz1YsU0xndM?&amp;wmode=opaque&amp;rel=0" width="640"></iframe></div>

<p>Bukod umano sa nanakawan na siya ng cellphone, natangayan din siya ng nasa P29,000 sa kanyang isang bank account isang oras lang matapos ang insidente.</p>

Bukod umano sa nanakawan na siya ng cellphone, natangayan din siya ng nasa P29,000 sa kanyang isang bank account isang oras lang matapos ang insidente.