Push Admin

Article (news)

Manila

Paige Javier

ABS-CBN News

<p>MAYNILA — Arestado ang dalawa sa anim na lalaki sa pambubugbog umano sa 33-anyos na lalaki sa Barangay 20, Tondo, Maynila nitong Huwebes. </p><p>Kwento ng biktima na residente ng barangay, nangangalkal siya sa may Gate 15 ng Parola Compound bandang alas-12 ng madaling araw nang mangyari ang insidente. </p><p>“May sakit ho anak ko kaya ako nangalakal. Wala po akong malapitan na tao. Pumunta ako sa lugar na yun para manguha ng bakal maglagare. Bigla nalang pong may dalawang lalaki na lumapit sa akin,” sabi niya. </p><p>“Tinanong po ako kung taga saan ako. Sinagot ko taga-Gate 18 ako. Sagot po nila ang layo-layo bakit ka nakarating dito. Sabi ko Parola din naman ito ah. Pabalang ka sumagot ah sabi sa akin. Saka nila ako binanatan.” </p><p>Dagdag ng biktima, nasa anim na lalaki ang nambugbog umano sa kanya. </p><p>“Dalawa lang noong una. Hindi ko po akalain na may nakaabang sa akin na ibang tao. Una ho yung ano po pagbato sa akin ng malaking bato. Pangalawa dos por dos po. Nakatalikod na ho ako balak ko na tumakbo pinalo po ako. Nahilo ako akala ko makakatakbo ako sa kanila. Hindi ho nagulpi nila ako,” kwento niya. </p><div><a href="https://news.abs-cbn.com/news/2024/6/20/modus-motorcycle-taxi-rider-ibu-book-ang-sarili-bago-manghablot-ng-bag-510">Modus: Motorcycle taxi rider ibu-book ang sarili bago manghablot ng bag</a></div><p>Isinugod ang biktima sa ospital at kalaunan ay na-discharge matapos gamutin ang kanyang mga sugat. </p><p>Matapos ang nasa isang oras, nahuli ng mga rumurondang pulis ang 24-anyos at 18-anyos na residente rin ng Barangay 20. </p><p>“Habang nagpapatrolya yung mga police natin ng Delpan Police Station, nadaanan nila ito na ginugulpi yung tao kaya agad nila itong inaresto itong mga suspek natin,” sabi ni PMaj. Philipp Ines, tagapagsalita ng Manila Police District. </p><p>“Yun ang account ng ating imbestigador nakainom ang mga suspek natin at napagtripan lang yung biktima,” dagdag niya. </p><div><a href="https://news.abs-cbn.com/regions/2024/6/20/lalaki-timbog-matapos-umanong-halayin-ang-anak-ng-dating-kinakasama-847">Lalaki timbog matapos umanong halayin ang anak ng dating kinakasama</a></div><p>Depensa ng mga suspek, magnanakaw umano ng bakal ang biktima. </p><p>“May sumigaw po kasing magnanakaw eh. Ngayon bigla na lang marami na pong gumulpi,” sabi ng teenager na suspek.</p><p>“Pasensya na ho sa naabala naming tao. Hindi rin po namin gugustuhin yung nangyari,” dagdag ng 24-anyos na suspek. </p><p>Hawak ng Delpan police ang dalawang suspek na nahaharap sa reklamong frustrated homicide. </p><div><a href="https://news.abs-cbn.com/news/2024/4/25/crime-rate-sa-unang-4-na-buwan-ng-2024-bumaba-1901">Crime rate sa unang 4 na buwan ng 2024, bumaba</a></div><p>Sa kabila nito, sinabi ng biktima na nakipag-areglo siya sa mga suspek. </p><p>“Hindi ko po hangad na maghiganti po eh. Tama na po yun ayoko na pahabain. Mapagpatawad naman ako. Hindi naman daw po nila ako pababayaan. Nangako naman po silang susuportahan nila ako hangga’t sa ganitong kalagayan,” sabi ng biktima. </p><p>May paalala ang pulisya sa publiko matapos ang insidente. </p><p>“Unang-una sabi nga natin maging responsable tayo. Kung tayo ay mag iinom sabi nga huwag natin ilalagay sa ating ulo. Pag meron kayong ginagawa na hindi niyo napigilan ang inyong sarili, maaring makaharap niyo ang mga katulad na ganitong kaso,” sabi ni Ines.  </p><div><a href="https://news.abs-cbn.com/news/2024/6/20/lalaking-nagtago-nang-2-dekada-dahil-sa-kasong-murder-naaresto-sa-makati-837">Lalaking nagtago nang 2 dekada dahil sa kasong murder, naaresto sa Makati</a></div>

<p>Arestado ang dalawa sa anim na lalaki sa pambubugbog umano sa 33-anyos na lalaki sa Barangay 20, Tondo, Maynila nitong Huwebes.</p>

Arestado ang dalawa sa anim na lalaki sa pambubugbog umano sa 33-anyos na lalaki sa Barangay 20, Tondo, Maynila nitong Huwebes.