Push Admin

Lalaking tumawid sa Nagtahan Bridge nabundol ng motorsiklo, patay

Article (news)

Paige Javier

ABS-CBN News

MANILA — Patay ang isang 50-anyos na lalaki matapos mabundol ng motorsiklo habang tumatawid sa bahagi ng Nagtahan Bridge sa Sampaloc, Maynila nitong Lunes.Ayon sa pulis, nangyari ang insidente sa southbound lane ng Lacson Avenue paakyat ng Nagtahan alas-4 y medya ng hapon.“Bago papanik ng flyover ng Nagtahan, may tumawid na pedestrian. So unfortunately itong pedestrian natin nabangga nitong motorsiklo. So sa lakas ng pagkakabangga, tumilapon &#x27;yung both parties,” kwento ni PMaj. Jaime Gonzales, hepe ng Manila Police District Vehicular Traffic Investigation Section (VTIS).Ayon sa tatay ng biktima na si Rodolfo Senovilla, pauwi na ang kanyang anak matapos makapagbenta ng kalakal sa junk shop nang mabangga ito. Ang driver naman ng motor ay pauwi mula trabaho, ayon sa pulis.“Based sa investigation na ginawa ng ating imbestigador, makikita naman sa CCTV na mabilis &#x27;yung takbo ng motorsiklo. Nung nakausap siya [driver] ng ating imbestigador, &#x27;yun nga di na niya napansin &#x27;yung tumawid. So &#x27;yun kaya nagkaroon ng aksidente,” dagdag ni PMaj. Gonzales. “Itong victim auxiliary ng barangay so madalas utos-utusan ito sa barangay. That time meron siyang kartilya. Hatak hatak niya &#x27;yung kartilya ng mangyari &#x27;yung insidente,” aniya.Sumalpok ang motor sa biktima at parehong tumalsik ang driver at tumatawid.Naisugod agad ang biktima at nagmamaneho ng motor sa magkaibang ospital.“Yung pedestrian natin dead on arrival. [Yung driver ng motorsiklo] still naka confine po siya kasi nagkaroon po siya ng bali sa braso niya,” sabi ni PMaj. Gonzales.“Pagkalipad niya bumagsak siya sa island doon tumama &#x27;yung ulo niya. Bali &#x27;yung tuhod niya, &#x27;yung isa niyang paa bali, &#x27;yung balikat niya may tama din. &#x27;Yung dibdib niya, pinasok na ng hangin. Doon siya naano,” kwento ng tatay ng biktima.Hindi na magsasampa ng reklamo ang pamilya ng biktima matapos humingi ng tawad at mangako ng tulong pinansyal ng kaanak ng driver ng motor.“Kinausap ako at nagpaabot ng [tulong] pinansyal para sa gastos sa nangyari nga po. &#x27;Yung tatay nila daw medyo malabo na po mata,” sabi ng tatay ng biktima.“Hindi na po [kami] magdedemanda. Hindi naman ano &#x27;yung matanda rin po. Andun na po &#x27;yan, hindi naman po niya kasalanan. Aksidente po &#x27;yan,” aniya.Ayon sa pulis, magpapasa pa rin sila ng rekomendasyon sa Land Transportation Office kahit walang naisampang reklamo.“Kung sakali hindi magtuloy ng pagsampa ng kaso &#x27;yung pamilya ng namatay, &#x27;yung case ifo-forward namin sa LTO for administrative procedure. So likewise para mabigyan ng sanction &#x27;yung rider. Kasi siyempre may lisensiya siya, so si LTO kasi &#x27;yung may mandate kung tanggalan siya ng lisensya o isuspende,” sabi ni PMaj. Gonzales.Paalala ng otoridad sa publiko, tumawid sa tamang tawiran o foot bridge para maiwasan ang ganitong insidente.“Base sa investigation natin walang pedestrian lane doon so bawal tumawid doon kasi flyover &#x27;yun eh. Ang maipapayo ko diyan sa mga pedestrian natin dapat tumawid tayo sa tamang tawiran. On the other hand sa mga nagmomotor, dapat magpatakbo tayo ng motorsiklo ng tamang bilis lang,” sabi ni PMaj. Gonzales.

Patay ang isang 50-anyos na lalaki matapos mabundol ng motorsiklo habang tumatawid sa bahagi ng Nagtahan Bridge sa Sampaloc, Maynila nitong Lunes.

Patay ang isang 50-anyos na lalaki matapos mabundol ng motorsiklo habang tumatawid sa bahagi ng Nagtahan Bridge sa Sampaloc, Maynila nitong Lunes.